介紹對與錯

上回講到龍生九子，老夫相信睇就有人睇，冇人有跟進再去考據九子用嘅字係乜朝代出處, 而九子係道家功法中邊一家用咗依個理論？一係唔講，一講出嚟，先到知原來係咁解。

加咗圖

介紹新解龍有九子

網上流通嘅龍有九子已經係一個定律, 重邊度駛再解呢？點解係定律？因為明孝宗朱佑樘有日抓緊腳指時，問禮部尚書李東陽九子來由，得到回答就係網上流通嗰啲嘢囉， 大人物講嘢梗係信得過喇，佢講錯會畀亞樘仔移咗個頭落地架。咁亞樘仔既係你豬錦春咁，冇查過字典去對証喇！

介紹乾炒牛河內功

一個入廚幾十年嘅老師傅話要知道間餐館師傅夠唔夠功力，就要叫碟廣東小吃乾炒牛河嚟試試。完美嘅牛河，碟上油不能太多，河粉豉油色澤夠，粉不會黏埋，牛肉豆芽要爽口帶有韭黃同河粉香味。內功牛河梗係要成份足，血氣勻巡，理論，井然有序，先致带出色香味俱全。 內功牛河係乜呢?

介紹意領神會

好多人一見 "神會" 兩字就即刻想到宗教，咁就錯曬。咁 "神" 係乜? 有邊個可以真真實實去解釋到，又點可以証到？吳承恩西遊記裡頭講嘅唐三藏，軟弱無能，個個鬼怪都話食咗佢啲肉可以增壽，咁佢係邊個呀？神會只不過是一理通百理明。

介紹頓識特異

玩文學啲人，有啲來歷不明嘅文章都唔知邊個作，內容係講文或武都唔知，係喇就係咁解，解釋到似層層咁， 一代傳一代。玩內功嘅，又學人玩文學，作埋一啲無凌兩可詩句，後人左估右估，都唔知點解，最終都係得個講字。係台下表演好似好有料到，一上台打就死曬火，邊個會等你運氣呀，邊個畀你講一論口水先至表演一招了呀！表演嗰啲嘢，又唔係人人練到，練到又冇實況，不如玩玩魔術，人人學懂又俱娛楽性。今回教大家做火雲邪神同彈人幾尺遠嘅魔術， 頓識呢, 哈哈。

介紹一晉朝文化

華夏有好多古文化都好係博大精深，可惜好多人墨守成規，一成不變，冇再將佢地再發揚光大。晉朝文化之“發骨節”就係一個好例子。人人靜係識得講依個係細路仔發育病，其實無論係老年，中年及年輕一代一様都會有類似嘅症狀。好多人話教內家功，學內家功或天人合一啲人，佢地應該對發骨節好有經驗架，但係冇一個講解過依個名稱，點解呢？

介紹失落的文化

無論處身係乜地方，好多人對自己文化所遺流落嚟啲嘢都唔去關注。但係又好響往人地啲嘢，搞到自己，人不似人鬼不似鬼。世界各地都係咁, 由轉播世界球賽就可以睇到拉丁美州囯家啲人，滿以為用通婚改變咗容貌，便成為高尚人嘅自欺欺人想法，而駛到自己文化變成次貨。在現實環境下，佢地嘅經濟，亦睇唔到因様貌改變咗而有所提升。本來嘅容貌同文化真係唔見得人嗎？邊個創造依種錯誤意識呢？

介紹孤單的人

人幾時會感孤單呢？夜欄人靜嗰陣時，四周無人，無曬啲閒雜聲，睇嘅，想嘅嘢變得通透好多。清晰通透唔係好事咩？點解又有啲人要醉眼看世界呢？好似兩者有個矛盾在內，點解會咁？

介紹食物環保同搞機

好多人混淆不清，食物環保同環保食物嘅分別， 亦有好多人搞唔清乜嘢叫有機冇機，佢地只知係價錢同農藥上之別。畀多啲錢，唔等於一定有益，畀少啲唔一定唔好。簡單名詞揾通，年中餘好多錢呢！

介绍鏡花完

鏡花完？係咪寫錯字呀！先嚟解釋依三個字：鏡者反射也，花者朦查查，睇唔淸，完者完蛋，玩完。其實依三個字正好比喻著我地嘅心態，睇到人地好産生愛慕或妒忌，投射出瞎目追隨或反向睇你點衰思想嘅心態，一一表露係言語上。而自己呢？鏡都花曬，又點睇得到自己，自以為自己理念係百份百正確，其實愚不可及呢！

介紹偏相學

上回講到張國榮因有百樂嘅輔助，跑出依隻千里馬。而八卦新聞又話依個嗰個有乜乜高人幫邊個嗰個借運，將運緣延長， 係唔係架？得唔得架？

介紹氣質

由網上可以睇到好多人對氣質依個名詞搞唔通，講來講去點様用矜持，衣著，談吐去改善氣質。又有人用來佬貨：四種典型氣質類型（Temperament）去解釋氣質嘅由來。而係華夏古文化，我地又點去解釋呢？點解咁容易解釋嘅名詞，老師都教唔識呢？又要啲人去估下估下！

介紹冇明

上致博士下致乞兒，都有好多嘢唔明同唔識，皆因我地缺少多方面學問。專門學問係人生, 唔係一個整體學，只不過係鑽入專門牛角尖，希望能夠掌握學問嘅真相，用心用力又成功嘅，嗰門學問會係博大精深。但因時間同精力唔許可，好多人生要學嘅嘢就失去咗機會。而有啲掛往專門學問，懶洋洋嘅態度，就變成遊戲人間。

介紹古今學論

由古到今，時代轉變，同一個字意思也有唔同解釋。其因在古代有情場高手，亦有武林高手，更有文武雙全，字義解釋已唔同曬。有很多人喜歡用古人嘅文章內提及相似嘅句子作引証，或用嚟自創一啲成語，得唔得架？晏幾道同黃庭堅係同一朝代人，一個係溝女大師，另一個係道人，用字相同，不過內涵解釋就唔同哂。係普通嘅文學上係無話對或錯， 只要讀者明白或接受就得喇。但當一牽涉入一啲專門嘅學問，如五術：山（仙）、醫、命、卜， 咁就死曬火了。

介紹情為何物

歌仔都有得唱喇，兩情相悅，産生可歌可泣動人山盟海誓嘅故事，邊度駛再解釋呢? 以前歌係囉嚟賺錢，唔加啲鹽加啲醋，點可以吸引人去聽同買呀！兩情相悅，巳經用錯字，點解？啲人唔明個情字點解囉。

介紹由文說到武

上幾回講到文人偷食，原來武人都一様咁為食， 快手快腳去食，點會食出滋味。懂少少文筆，懂少少武術啲人粵中有俚語， 叫佢地係度也文也武/廿文廿武/吔文吔武囉。點解會走出 “也，廿，吔” 三個字嚟呢？

介绍串鷄蟲詩

好多人畀人灌輸咗家花不及外來香嘅概念；人家嘅學問係博大精深，咁自己嗰啲呢？今回用串鷄蟲去睇睇自己文化，手法就好似啲亞朦咁，係三篇文章裡抽少少出嚟，睇下夠唔夠人地嚟。

介紹蒙貴學

蒙者胡亂猜測也。貴者矜貴也。依個世界上有好多嘢都好矜同貴；如食物有燕窩，蟲草； 衣著配搭有名牌手袋鞋襪。睇真啲，實唔實用先，畀個癌病症病人食燕窩，想佢快啲香咩；幾十萬一個手袋，只博回頭率！而在學問上，蒙貴學真係多姿多彩， 要數出嚟有成匹布咁長。你估依個話题係想講乜， 棟係老夫覚得佢貴先知講喇。

介紹中西糊塗學

糊塗嘅定義係混亂與不清楚，字屬中性。用字要高雅嗎？用一個字就搞掂曬；憒 （粵音：潰 ），用在耳上叫聵（潰）， 用在睇嘢上叫瞶（粵音：貴）。講咁多字有乜用？在網上有好多中西“貴”人在講地球上四個或五個已失傳真正內涵嘅元素，五行。

介紹昇華三格字

何謂三格？一個字一個格仔，三個字相連為一組字，産生出一個意思。如白濛濛， 差不多，耳邊風等。三字格嘅組合有第一二形容第三，第二三形容第一個字，第一三形容第二個字,  加加埋埋有廿多種組合。依啲玩法只有文人先至去玩，而大眾就靠住依班文人資料去學。有冇錯漏，解錯我地一概不知。大眾係咁講我地咪跟人口水尾，照講包冇衰架。一個昇華三格字就考起班文人了。佢係乜？