識多一點點粵語

上回用了二名詞：八婆與八公， 好似好粗魯，其實一啲都唔粗俗。人云亦云話人係八婆是駡人，偶意看到一篇文章，八婆真正來由仿現眼前，其實係讚人呀！網上又係你抄我我抄你， 人錯你又唔知，俾人揾咗笨照抄當有型，全無新鮮感的文章，又將八婆同三姑六婆扯上關係， 真係文不対題。咁様八字之由來係乜呢。

先來説説網上流通八婆的解釋： 一個工人叫朱燕幫個有錢佬打工，佢將老細揾錢秘密話畀英國商人知， 因佢係家中排行笫八， 所以事後人人叫佢做八婆。咁嘅故仔都有人信，又信咗咁多年，又有人照抄到依家。用下個腦想想， 何東係點様起家㗎，你洩漏佢的秘密， 人間已經蒸發咗啦，叫佢做死婆就差唔多， 或稱佢為死八婆才対稱。

八婆依個名稱都唔落入三姑六婆嘅職業，啲人又係度砌生豬肉。
三姑：尼姑、道姑、卦姑。咁淺，唔駛解釋喇。
六婆：牙婆=買賣婦女、媒婆=嫁娶、師婆=畫符施咒、虔婆=鴇婆、藥婆=賣藥、穩婆=接生

三加六等於九, 唔係八呢。九種職業都無傭人或工人字眼，都無講到要幫人洗衫掃地煮飯， 咁様點會同八婆扯上關係呢！你話係唔係離曬大譜呀，咁嘅解釋又畀人接納。

在粵港而言，八婆係指八種唔同嘅職業：打小人婆、補衫婆、喊口婆=哭喪、浴婆=幚嬰兒洗身換新衣、媒婆、梳頭婆、大妗姐=引導新娘拜堂、媽姐婆=女傭。依種解釋比較上合理啲，因內裡有女傭二字。但係講唔出夠八嗰方面嘅嘢。

廣東話係活化石， 即靈活也, 唔係死板板，內涵深不可測, 又能一針見血。假若將只有千三年歷史啲國語代入廣東話就未能得到全神達意了, 點解? 讀過書嘅人點會唔知唐詩三百首係用廣東話寫。如果用國語代入廣東話嘅唐詩, 都唔知佢呃乜。舉個例子, 國語走或逛=粵語個行字。代為唐詩中一句: 走走重走走或逛逛重逛逛, 都唔知係乜, 原來原句是：行行重行行, 與君分別離。其意是行下, 停下, 再行下, 又再停下。唔係好似金人嚟到要走難式咁， 跑下，停下，再跑下，又再停下。

回到正題，"八”字原來係講女性在言語上是與男性有異，普遍來講女性優於男性。所以廣東語有句語：好佬怕惡佬, 惡佬怕爛佬, 爛佬怕癲佬, 癲佬怕潑婦，潑婦怕窮鬼。所以第日聽見人一講八婆，睇睇佢個款似唔似潑婦先，符合依两个條件，立刻要縮言起勁（不是肅言起敬），快啲跑喇, 唔走除非你想同佢借錢。 咁様女人把口都幾咁犀利呢。睇睇醫學圖，佢地係咪有個八字？

相片: 來自解開生命的奧秘
http://scistore.colife.org.tw/management/Upload/dragon/20161208174512952_03_sunday_991114.pdf

咁你話粵語點止一針見血咁簡單， 連你個頭蓋骨都睇穿呢！服未？八字重有一句話：八八埋埋得樖蔥，點解呢？用蔥煮餸時要打起成結，夠味就算啦, 八得多思考就打結囉。再加多一句: 死八婆賣檸檬或賣菠蘿, 係一個形象与味覺學; 檸檬外形两頭尖, 味係酸的, 菠蘿葉係有剌, 唔熟就酸。暗喻嗰個人説話尖酸刻薄, 唔係如网上所説:地方方言駡人解釋咁簡單呀!

廣東話隨時玩撚死你呀。嘩！又嚟講粗口。唔好砌生豬肉呀, 又係形象學嚟架。玩撚死在大眾而言可解作嚇親或玩榭你, 但在道家功夫而言, 撚解作脊骨或龍骨, 用條脊去玩死你或嚇你一跳，咁様點叫得做粗口呢！可惜依家啲人功夫唔夠，所以在前頭加咗個推和扯嘅動作字， 変成屌撚死你。 嗱, 依個就係粗嘢啦, 不過有人鐘意呢!  同一组字內含两三个意思, 高深呢。

人定落嚟嘅規條，推崇好嘅嘢就學唔好就唔學，搞到啲人錯失文化真義。所以話啫, 大眾埸合唔比講粗口, 依啲所謂聞（唔係文）人，用個鼻去聞文字，乜嘢叫粗口都唔識, 又學人文縐縐咁去立法, 自己無文化又話人冇文化，但另一面又要推廣粵語;  如不可求,  從吾所好啦, 才可领會廣東話文化嘅精萃。嘆! 真係畀佢地玩尻死, 個尻字唔係粗口嚟架，查查古書先開口。又想提議沙灘唔畀着三點式, 好多行業都比你個倡議玩死囉!

寧可穿無裝，不可收方言。

無裝看似窮，無言令人謎。

人窮尚可富，士謎不可解。

觀人笑此言，似高還似痴。

若對此言仍大贬，世間那有文化界

在粵語而言，輕改一字裝變作束，解釋便大不同：裝=衣服，束=條褲跌咗落嚟，等於冇着
-----------------------------------
下面啲字, 識講未必識寫
來自
http://wdob.blogspot.com/2012/10/blog-post_11.html
劖刺
呢盞燈
掹返條刺出嚟
冚被，成日戽被
挍痕
夾硬扤佢啦
瀡下滑挮
吟吟尋尋和囉囉嗦嗦
啲頸渴
畀支水嚟
一路噉樣將啲牙擳膏擳唒出嚟
爛融融，你叫人掂食
三歲嘅豆僆
顏色溝埋一齊
係喺地下執嘅咋
唔畀啲水撇出嚟
我拎住咁多嘢
冚唪唥
抌去垃圾筒到
一個屈尾十
俾你整爛咗嗱
擏錫一下啲嘢
又唔揄褲喇
冚家拎
口戟"住;("扌戟")住
陏"親
吱吱斟斟 
揜("扌音")住良心說話
擢(chok)氣
氹細路仔
餿(宿)味
恰眼瞓