介紹網站鑑別玉石

中國人經老人家及炒風灌輸， 玉係十分矜貴, 尤其是玻璃種翡翠係好名貴, 但係佢地対翡翠在字面上解釋係乜都唔知。翡翠兩字係由非羽同埋個卒組合而成, 解作非卒仔有資格可配帶, 羽者軽也, 小人物也。所以全綠色的翡翠, 対中下階層來講, 只可遠觀而不可褻玩, 玉係要配搭身家。出席朋友家族晚宴帶上好綠的石頭, 在大家都知斤両下, 咁彩嗰舊石， 點會唔知係化學染色貨呀!  唔係全綠咁又點睇呢?

玉也分好多種, 講出來嘅名堂, 多到浸死你。售貨員嘴頭足: 見你係有 “元”人， 平啲賣畀你。講乜都係假, 攞起舊石頭, 睇嚇佢係屬於乜貨先, 依家市面上有 A, B, B+C, C貨

A:原石切割後拋光（包括上蠟）
B: 用乜酸去內部雜貭, 然後用高壓填充酸蝕產生的縫隙、空洞和龜裂。破壞本質, 提升個價。
C: 人工加色, 無中生有。
B+C: B的同時進行染色，一般是染成綠色和紫色為主

詳盡講解
http://www.sohu.com/a/145343562_776449

好多人買咗件乜乜佛, 乜乜觀音, 就攞去畀人開光。幫你開光嗰個人, 話之你係真嘢定假嘢, 口中唸唸有詞後有錢收, 跟往畀返你。你就當佢如珠如寶日日帶上身, 肌膚日日同化學品接觸, 點會帶你好運呀? 你信個開光佬有功力灌入啲能量入件嘢度, 重死快啲, 能量放射大了嗎！好在,佢地無咁嘅功力, 只係做戲, 不然個佛或觀音困死在件化學品中窒息而死, 咁你就大鑊喇。群神話整死佢地姐弟, 畀佢地群毆, 你唔死都一身潺。

點做假玉？個過程真係嚇死你
http://k.sina.com.cn/article_6356581287_17ae1bba7001001n9s.html

以前睇玉用支電筒加片放大鏡, 依家要対付依啲高科技嘢, 要有兩支電筒。第一支係發出紫外光, 即照假銀紙嗰種去辨乜貨, 驗明正身後，用笫二支係白光電筒, 睇內部。而放大鏡要用四十五倍以上, 三十倍鏡好難睇倒高科技下産生出來的泡泡及颜料。
https://kknews.cc/collect/xgyeyq.html

配帶乜乜會帶來好運, 純屬謠傳及自我安慰, 作用不大, 睇下身邊有冇窮人就知喇， 風水佬們嘅家族係咪人人發曬先? 你重未發，隣居又唔發，風水佬都幫唔到至親嘅人， 即係話咗畀你聽唔得喇。邊嗰最發？攞幾十蚊入貨，賣畀你幾萬蚊嗰個囉。

有正貨，有實牙實牙齒買家，先至有保值

有估價，冇買家只有炒風論，不如買金條

賭石頭, 梗係要搵啲開咗三眼嘅人去睇貨，包你事后两眼朝天