介紹昇華三格字

何謂三格？一個字一個格仔，三個字相連為一組字，産生出一個意思。如白濛濛， 差不多，耳邊風等。三字格嘅組合有第一二形容第三，第二三形容第一個字，第一三形容第二個字,  加加埋埋有廿多種組合。依啲玩法只有文人先至去玩，而大眾就靠住依班文人資料去學。有冇錯漏，解錯我地一概不知。大眾係咁講我地咪跟人口水尾，照講包冇衰架。一個昇華三格字就考起班文人了。佢係乜？

網上畀學者嘅定義：學者是具有認可資歷的人；所謂專家/權威/大師/才子/達人，多為媒體吹捧出來，一般曾出版一至數本相關書籍，或曾在報刊/雜誌開設專欄或發表過幾篇相關文章，又或曾在電台或電視台主持相關節目或擔任嘉賓主持。

乜嘢叫達人？達人啲祖先都由唐宋期間引入好多中國文化，到到依家重叫達人，達者喏喏到邊，高人就唔同呢，到咗好耐喇。所以唔識就唔好學人亂用別人啲字喇。又一個學者攞住個箱話衝呀，咁叫做學者？學嘢唔揰到口腫面腫，點會學識呢！

“好盞鬼” 依個三格字就考起上述啲人。有人引用説文解字依本老字典話：纘字同盞字相通，変成 “好纘鬼”，依個解釋由邊本説文解字出版社出架，又出版日期係何年呀？説文解字解釋個纘字都冇提過個盞字，係唔係攞本經典名去老作呀？

説文解字：“纘”
豳風。載纘武功。傳曰。纘、繼也。中庸。武王纘大王、王季、文王之緒。注曰。纘、繼也。或叚纂爲之。從糸。贊聲。作管切。十四部。
 (纘) 也。豳風。載纘武功。傳曰。纘、繼也。中庸。武王纘大王、王季、文王之緒。注曰。纘、繼也。或叚纂爲之。從糸。贊聲。作管切。十四部。

“纘”字粵音讀作 “轉”，同個盞字都唔同音。唔好見到人地寫 ” 贊聲“ 就當作佢讀為贊字，可能古音係咁讀。查査字典，纘解作：繼續, 繼承。代入網上解釋：好繼續鬼, 好繼承鬼， 點解都解唔通啦；鬼已經乜都冇，繼承佢地啲香燭？ “盞”字有個同音字 “趲”， 走趲， 點解又唔用呢？趲者鬆動也。

粵語係國學裡嘅一個部份，國學大部份內容由無極太極演変出嚟，最重要內容有陰陽呢！要考據方言俚語，點可單憑名人啲回響就話喏唔喏，就係咁解，點得架！ 在组合第一三形容第二個字下:  “好” 字一拆散咗就変成咗二個字，女同個子字，一陰一陽也。 “盞” 字亦唔能夠用個常規去解釋，將字一拆變成 “戈” + “戈”+“皿”。 “戈”，古代嘅打鬥武器，即有人死啦，戈字與好字相連， 男女都死咗，梗係用嘢裝好，咁咪用個 “皿”字囉。人死咗變成鬼，鬼者陰身也。咁嘅解釋都解釋唔到 “好奇妙”嘅意思。完全説得対，因為依個解释重未昇華，一昇華就変成神秘學也。

係昇華學下， 陰陽解作兩股能量。戈解作鬥爭。皿即人體。現在三字一合解作：一陰一陽能量在人體內鬥爭後，得出咗個好奇妙得意嘅陰性體。咁嘅解釋有乜可以去証實呢？睇睇個戈字點寫，再比対西方神秘學。係咪似層層呢！一理通百理明， 中西神秘學本來冇分東南西北，等於月球一樣，企個方位唔同，咪有大細之別囉！你話唔係，噉你咪係重係鄉下佬呢！人地叫得好文雅：生命之樹，粵語叫：好盞鬼，兩者都係得個名，冇人知佢嘅真貌。

用任何一種字體都有下面陰陽相配组合出现

重有冇更深入，老師話：逢人只説三分話就夠喇。老師講咗三成畀我知，你地得知我十成，你話重有冇呀！

三字真言本不玄，睇下有冇真言授