介紹睇你點死學

一相識話老夫近期文章出曬火位， 唔咸唔粗唔講。每様真理都係相対 - 好壞，正邪，美醜等， 而偏愛一方只有美好的一面，咁即係話佢地得唔到整體真理, 足本版。你話偏愛係假又唔係，你話佢真又真唔哂， 因為佢地識啲識啲， 就好似話人有難要著草走佬 - 著起対軽便鞋逃跑。其實箸草一詞源於易經。歷代出咗好多易學家， 邊個得？睇佢點死就知喇。嘩！粗完就鹹， 咸完就惡毒， 是真理嗎？
著草唔係話人犯咗事，因逃避法律上問題要走佬嗎？依個係一個近代語嗎？上述兩個問題都係対的，深入硏究佢地又唔係百份百対。因為兩者都冇講到問題嘅重點 - 走佬係前程未卜。古代占卜係用蓍 - 艹耂老日 嘅植物莖用來占卜， 唔係依家嘅竹筮呢！蓍在粵語讀作 ”俬“。前人就好似依家啲人一様，睇啲唔睇啲，睇漏咗個匕字，變成咗個 ”著“ 字囉！一個俚語嘅深入硏究， 同近代解釋有出入呢！所以唔好識啲就當係真嘢先得架。

咁様易經由幾時開始？好早好早，經過好多好多代，咁你話有冇走様呢？太過早唔講，太過近唔講， 咁講邊個好， 宋朝邵雍。粵語又有一俚語：睇下你點死。睇你點死，有乜咁好睇，你又唔係名人，你發咗達又唔會畀啲我， 你死咗又唔關我事。睇下人地點死，係啲人解錯話先至話惡毒啫。正確嚟講係睇你（前同後）點死（發展），就知你學啲嘢有冇料到。想唔到粵語有教預測學咁犀利呢！

畀個例子：乜嘢叫前？梗係邵雍個老師喇！乜嘢叫後？咪係佢個仔邵伯溫囉！點，即係佢本人。將所有人炒埋一大碟，咁咪係一脈相連嘅真理所在處囉。

先嚟數數邵雍嘅數簿， 即係睇佢太師公穆修->李之才->邵雍->邵伯溫。
穆修 ---- 最終錢竭然後已。係眾多學生, 只過心得畀李之才 。
李之才 --- 暴卒於懷州官舍。教邵雍 - 萬物週期規律, 性命, 《春秋》揭示《五經》, 《易經》。
邵雍 --- 著書有《皇極經世》、《觀物內外篇》、《漁樵問對》，詩有《伊川擊壤集》。創鉄板神算失敗, 再推出梅花易數
邵伯溫 -- 著作有 易學辨惑

太師公銀紙有難, 師傅未能得知生死期, 邵雍兒子著作易學辨惑又冇詳解卦爻, 點解呢? 在宋朝到現在, 眾人在迷依個易經 預測, 梅花易數等, 準唔準架? 有邊個可以用預測法，唔睇資訉能知天下事? 成功率時常有百份之九十? 冇呢! 咁易經係唔係唔得呢? 假若古代有超級電腦或古人留落數式加註解, 當今咁就知真偽。依家啲人連古籍書都唔能夠理解, 學問走曬様都唔知，有個超超級個電腦都係冇用。又有啲人斷章取義去解經, 又點會準呀!  人睇得明十分之一中期邵雍嘅內外篇易經講解都冇幾人, 唔明又點玩易呢?  邵雍巳畀李之才少噉啲嘢， 而李之才又畀穆修差一皮。番轉頭講依家，唔知得番有幾多呢！

邵雍之觀物外篇首段點解呢？
天數五，地數五，合而為十，數之全也。
天以一而變四，地以一而變四，四者有體也，而其一者無體也，是謂有無之極也。
天之體數四，而用之者三，不用者一也；地之體數四，而用之者三，不用者一也。
是故無體之一，以況自然也；不用之一，以況道也；用之者三，以況天地人也。

邵雍依個老頭子都冇解釋到！著草睇書梗系睇唔到喇，佢講道時咪講咗囉！啲人玩預測又話要神會，睇書時神會又走番本書度。

李道純中和集之中和係指均勢, 大中细點形成三角力, 叫做死撑, 即會倒坍囉

粵語又有個俚語叫人收皮， 大眾話叫人住口或滾蛋， 出處在番攤的術語，「四個一皮」。唔係咁解呀？收皮， 喻作膚淺之學，要作深入硏究呢。邵雍系內篇又有幾句話，講到得道嘅過程，而最後是才（能）有術。好多冇料到啲人，又話徒弟有神通，徒弟又話個師傅得道，言下之意咪係度各自吹捧提高身價，其實兩者都係無料到。用現代語講： “收皮喇！”

睇睇眉心，睇睇條頚，睇睇個衣架，已知九成有冇料到，再加埋一下輕碰，有冇深藏不露都现形, 你估硬起個架就係有料到咩!  睇睇下底點講 --- 神氣四發呢!  學亜陳惠敏話齋, 台下乜都得, 台上現曬形, 到時睇下你點落台。

蓍草 =“鋸齒草”，唔係大麻呀

唔好以為老夫有料到，所有嘢都係老师講，

邊个係我老师，唔話你知，费事你睇我點死，起我底

要試試算卦準唔準, 但又唔識, 给你一網址, 免费的
(老夫睇極都唔明, 是個卦盲)
http://sns.cangm.com/index.php?app=public&mod=Index&act=longtextDetail&post_id=70326