加咗圖
講真呀，教內功嘅百份之九十九點九九九都係係度吹水，識少少扮代表。一個唔識易學嘅人跟本上無辦法去練內家功嘅！易係乜？名稱，解釋八卦六十四卦？梗係唔係喇！易由河圖洛書，陰陽，五行同八卦走出一個整體學。 而佢妙在係無文字下而顯現出千變萬化任君玩, 后人嘅文字演變再演變, 好多都係畫蛇添足。
用陰陽八卦名詞去解釋內功大有人在，都講到亂囇大輪。 有人敢用高级河圖洛書去解釋就人不多。 敢又唔代表佢地識, 一睇一聽再睇下佢地用乜圖同理論去演繹, 係龍係四腳虫, 乜都現形。河圖洛書, 點止左旋右旋放大缩细咁膚淺呀! 要講真諦, 跟本上冇可能會有依書直説, 引用乜乜名著都係多乜餘, 只有身體感受過先致知乜嘢係真。 网上有好多河圖洛書五行八卦圖, 用乜圖，賣個關子喇！ 話識講河圖洛書, 又唔識整體龍生九子, 又會咁嘅?
龍生九子，由頭到腳而逆向係講乜？四個字: 形於手指囉; 五爪金龍同四爪! 其根在腳，發於腿，主宰於腰，形於手指，就係咁簡單。 無腦嘅, 咪話形于手, 而少咗啲手指, 哈哈! 要有腦, 少啲理論同功夫都唔得呢! 自己都唔識去打通個頭, 頭內有乜都未知下, 點去講點去練點去教呢? 要講整體, 無頭有脚, 行得去邊呢? 所以教內功啲人提都唔敢提下個頭呢; 自己瀨嘢徒弟領嘢, 好危險呢! 係断章取義下, 河圖洛書冇講過個頭, 咪話其根在腳, 咁佢地係咪無腦?
依啲所有動作全部係內裡進行，如果唔係咁點稱得上為內裡嘅功呢! 啲人演繹形於手嘅動作, 好似跳查查或蛇舞咁, 邊度係內功嚟架! 有外無內, 有內又得一點點, 點做得出呢! 老人家屙尿咁嘅氣勢, 氣都難到達隻手喇, 何况重要去到手指呢! 要多一點點問题唔係問题就出現; 偏差唔係病, 亦唔係做錯嘢, 係啲無腦嘅一羣叫佢做 "病"。 個師傅有冇料到, 就要睇佢當時識唔識得 "入門師引路" 喇; "入門" 者過関也。 個徒弟跟着個無料到嘅師傅, 一拖再拖都唔過関, 好好地都變成有病: 輕者痛也, 重者爆血管。 簡單嘅陰陽都唔識, 學人講高级河圖洛書, 哈哈。
陰即是陽, 陽即是陰, 咁神同魔咪係同一體, 除魔咪自己打自己囉: 陽不離陰, 陰不離陽; 識即是唔識, 唔識即是識; 哈哈即是笑話, 笑話即抱腰大笑。 老夫最鐘意站邊, 係個臨界面度, 如果唔係點知人講錯嘢呀, 哈哈。
唔講咁多喇, 老夫要再去尋真之旅, 學無止境
精要, 只有幾個字
睇識下低幅圖先致講形於手指
精要, 只有幾個字
睇識下低幅圖先致講形於手指
再睇下咁多人硏究人地嘢咁多年, 有冇得到依啲嘢
人地又硏究到?
人地又硏究到?
咁依个呢? 所羅門王印章, 咪係自家嘢, 自家嘢都唔識, 又話學人嘢
人地又有冇傳嚟同教呢?
自家嘢嚟架, 含山玉龟八角
自己又識唔識呢?
自己都唔畀面自己嘢, 唔怪得人地唔畀面我地喇!!!
玩人地嘢, 同人地平起平座, 係唔係呀!
最弊好多人將人地嘢當咗自己嘢! 又話同人咁高咁矮!
含山玉龟講乜呢? 咪係河圖洛書一部份囉!!!
玩內功, 其實是學習古代文化呢
沒有留言:
發佈留言