好多人花費好多時間去搞埋啲神神怪怪啲嘢，兩頭去跑道埸。又話依個靈過嗰個，依個講者講得好，依度啲人友善啲，個道埸冇咁多黨派。上述嘅描述佢地講緊 “人” 定 “神”呢？ 靈係咪次次都出現，人人萬試萬靈，好似開水喉咁次次都有水出，人人都可做到呢？ 內部分黨分派，咪無和平， 教者無能囉！追道埸，其實就係追個 “貪”字， 貪乜？各人所需， 最終都係講係個 “水”字； 要求健康， 睇醫生食藥都要水喇！細路仔要有好前途，有水有好學校！要家庭和合，又係個水字！要去尋真，冇水點拜師呢？咁有邊個信仰百份百得水呢？冇呢！重搞乜呀！神咪係你自己，唔努力揾邊個打救你！
吳承恩筆下嘅唐三藏性格，咪係講緊我地囉，佢只不過假借唐三藏個名。一個功夫又冇，靜係識得唸個咒，一切所有嘢都由徒弟打點，又唔識得自救，咁你話佢啲肉有乜咁值錢呢？孫悟空食咁多桃，無理由啲肉唔值錢。由古至今啲人都覺得佛道兩家學理，佛係道之上，點解會咁？古時太政治化了，依家加多兩個，又咪係一様，唔明自己想想喇！故仔書同現實唔同，做人要講求現實，學啲嘢要有成效有回報；好似去打工老細話到明冇糧出，你會晨早流流去返工，咁落力？
唔好静係識踩人，講番自己嘢，眾人認為道亦係一種法術，可以帶嚟保平安同財富壽，其實係一啲古代嘅人用嚟斂財嘅手段。道，係一個無邊無際嘅宇宙學，古人將學理分散到華夏五術中：山（仙）、醫、命、卜、相裡頭。假將五術合一，就成為一個完美道嘅藍圖。用一個華夏人認識嘅 “符”嚟做例子；古代係黃色符紙上，用硃砂畫上符給人治病。佢又點結合五術呢？係古代係咪有用呢？
在此，仙者心理，醫者用藥，命者救也，卜者預知，相者望聞切脈。心理上黃紙代表通達神靈黃道，經望聞切脈，已經預知因由，使用藥物硃砂対症下藥。硃砂用途：清心鎮驚、安神、解毒, 用於心悸、易驚、失眠、多夢、 癲癇發狂、小兒驚風、視物昏花、口瘡喉痺、瘡瘍腫毒，其它病就無效。跟據以上解釋，不能說符是冇效和迷信呢！
依家又點睇，全是迷信，又何解？符用影印機啲紅色油墨印出嚟，油墨無藥用價值，可能有微毒。人手寫嘅紅色墨係真硃砂嗎？硃砂幾多錢一錢，五百定八百？唔用古方法去製硃砂會唔含大量毒素？有毒物化符入水，可醫病，不信為妙喇！ 當今有啲術仕話佢地用功力將啲信息打入度符道，畀你增加功力喎，係唔係架？依啲人対住張紙讀書或用記憶念啲咒出嚟，有乜效用呀？個身都冇料到，條符又點會得呢？個身有料到就直接係人地個身寫符喇，駛乜燒黃紙呢？
老夫都冇跟人學過寫符唸咒，係意領神會下，認識到符本來係好簡潔。個架構係個敇字之上有能量，依種能量下達敕字下個令字，而令字就係個介字，人字下有兩條缐，膽者尾閭也，花字咪係能量囉。賣符啲人整色整水，畫上卡通人物，邊度有效架！ 佢地連個架構點運作都唔知，即係話佢地冇料到喇！好心睇睇硏究下乜嘢叫四象學喇！識得架構，咁係咪萬能？梗係唔係喇，你有冇見過古今術仕唔死架，有冇見過術仕唔求財贈醫施藥架？咁多人花時間學依啲嘢做乜？都係自娛/愚；自娛係明明了了，而自愚係浪費時間。不過兩者到尾都係一埸空，其它嗰啲信仰咪一様囉！所以道學係用嚟增長見聞，閒餘娛樂，冇人叫你放低一切事業瞓身落去。
全心全意去讀書，好多都係去唸書，思維上越搞越狹窄，因為太過專注。係開放式思維下，上文嘅丘乙己，由 “我會”= “神會”，引發出個人字，由人字帶出個介字，由介字又得出人人所講嘅人傑地靈。原來人傑地靈唔係山明水秀就得嘅，唐·王勃《滕王閣序》就講出咗個條件啦；懂嘅咪去借囉，係一種互利關係，唔識嘅咪到此一遊，咁様係唔係一理通百理明呀！ “我會”個大前提係乜都睇，先至可以將學問貫串。我會都做唔到，重講咁鬼心傳心呀！心傳心係好高深嘅嘢嚟架， 唔係解作人心傳人心, 係能量傳人心呢！乜嘢叫去磁, 去磁有幾多種都未知, 聴都未聴過呢! 所以你估你識個名詞就得到咩， 你估你話係師傅就得咩！
世界各地啲古人都好精，唔將啲嘢寫曬出嚟，就係怕啲蠢後代好大方乜都教曬外人，自己後人変成笨貨。係你又收佢人收之下，講錢都只能買到假貨，識貨嘅咪左顧右裝，砌砌埋埋先到得個概括知識，重未得到寶呢，得到又唔可以留到下世用。依啲嘢只有有閒階級茶餘酒後先至做嘅嘢，越深入發掘，越發覺好多流通嘅解釋原來係假嘢。假嘢先入為主下，講啲真嘢冇乜人會信，自己明明了了便算喇，哈哈。
真道，唔係學啲人生哲理，待人接物咁膚淺嘅嘢，而係實實在在去學宇宙運行方法，點様可以從中得到好益，幫助自己，如預知風暴，地震等； 一個人居住係地震脈上，點去求神拜佛都係無用，話之你信邊嗰，搬離該區先到係良方， 只有傻人先會信，神會打救你; 不過説話要講返轉頭, 有錢乜都得, 冇錢咪信故仔安慰下自己。 點解會冇錢, 先問問自己盡咗最大努力未? 做人要有大志向，唔係玩埋啲小兒科嘢，係小組上大吹大牛或拉人入局呢；細路都識肚餓去揾嘢食，大人番而去守株待兔，認衰仔, 日日唸施舍個發財錢等, 求啲銀紙求啲福跌落嚟， 邊個土包子教架? 人醉不認醉, 人蠢不認蠢, 一定有個值囗係附近去再一次自愚, 來個返撲歸真, 做番個细路仔喇, 哈哈。
人生一樂係由眾人嗰個八陣圖走出嚟；柏拉圖嘅黑洞故仔咪係講同様嘅嘢! 唔識自己嘢，點知人地都係講同一様嘢呀，以為人地超越自己文化，傻得好有型呢!
月尾師傅同老夫去自由行，好多資料要去搜集同準備，擱筆到十月中旬。
老夫都花咗三十年去硏究, 一睇就明, 老夫咪好冇面, 消化下喇!
要明, 睇老夫肯唔講實話先, 一篇纸乜都明曬, 不過重要睇師傅畀唔畀講呢!
好多人話佢地有功, 舍利子就有好多, 哈哈
好多人話佢地有功, 舍利子就有好多, 哈哈
沒有留言:
發佈留言