乜嘢文學來歷不明呢？係人都識嘅 “上大人”，都冇人知邊個作。流通中又出現四個版本“
（一）上大人丘乙己化三千七十二女小生八九子牛羊萬曰舍（唐代敦煌寫本）
（二） 上大人，丘乙己，化三千，七十士。爾（女）小生，八九子，佳作仁，可知禮（宋代 續伎燈錄）
（三） 上大人，邱乙己，化三千，七十士，爾小生，八九子，佳作仁，可知禮。
（四）上大人，孔乙己，化三千，七十士，爾小生，八九子，佳作仁，可知禮。 （清代）
古文本來就係無標點符號，點解又畀人加上豆點？又走出丘，邱同埋個孔字呢？又有人話係孔子寫畀老豆嘅家書？作者都唔知，內容係文或武都冇人知，點解啲人咁武斷話係家書呢？唔畀佢係道學上嘅嘢嚟咩！
先睇睇”雲笈七簽內嘅洞真大洞真經“ ：靈寶天尊系“玉晨之精氣，九慶之紫煙，玉輝煥耀，金映流真，結化含秀，苞凝元神，寄胎母氏，育形為人。”原是“二晨之精氣，九慶之紫煙”，後托胎三千七百年誕生，住在上清境的玄都玉京仙府。有金童、玉女各30萬人侍衛，萬神朝拜，超度之人不計其數。有三十六變七十二化，人們隨時隨地都可以見到他。
上文中有：上大人，丘，乙，己，化，三千，七十二，男女等道教常用字。係道家而言，大人唔係解作大夫，而係中丹以上，形容功力有番咁上下啲人。丘乙己：丘者土之高也，乙者陰氣尚彊，己者中宮也；三字連埋係嚟解個雞心左右兩旁形成咗個人字，雞心咪係乙己之上囉，要練到裡頭有氣拱起個雞心。練到咁，咪有七十二変化，三千七代表時間要好長或另有深層意思。二晨之精氣，一陰一陽也，女八男九河圖之外数，有外有內咪家肥屋潤囉。 以上解釋解唔通咩？又唔係頭頭是道咩！講真呀， 有邊個可武斷話咁嘅解釋係錯呢！
大人之上重有個雙乙己呢, 唔係一柱擎天得一條缐
河圖八九
一篇文章由於個人徧好與愛慕，原文事後解釋各有唔同，原作者都死咗咁耐，冇可能搵到佢企出嚟話邊個対錯。文章你點去演繹都無問題，唔會傷身。但係內功就唔同，搞得唔好就大鑊喇，冇人救到你。再者有人搞足幾十年排打功，上擂台唔夠五分鐘就畀人抬落嚟，點解？対手年軽力壯，骨頭夠硬，唔畀時間你回氣囉！靜係練內功唔經常習慣碰撞，上台一分鐘唔夠就拋白手巾喇。實用同表演係兩回事呢!
表演係要有充份時間運好氣，先至畀人打得。要人退出幾丈遠, 亦要時間去用假動作駛人失平衡，襯人唔留意時大力推，人地一定後退好多步。依啲咁嘅表演由細睇到老，無嚟新鮮感同冇實用價值。不如玩玩有成效啲魔術喇。
古時啲魔術都係用簡單道具，依家要迫真用埋電子呢； 有錢就買現成品，冇嘅咪自己造囉。以下兩個魔術道具，老夫只知其原理，無造過，效果只能靠宣傳片。唔想整，睇睇都可以增長見聞，唔駛做個鄉下佬，成日畀人呃。
火雲邪神 - 可以一拳或一掌打出個火球 （唔好対住人畜或好多雜物地方用）
道具： 一條兩三吋鉄通，一個點火器，一個開關，三粒1.5v電蕊, 一啲特製易燃綿花同易燃紙
過程: 鉄通內放入點火器, 將開關電蕊同點火器用電缐連接, 係鉄通內先放入小許易燃綿花, 再加入紙同綿花(綿花燃點速度快過紙,產生氣體,彈出易燃紙)
用: 一按開關, 火球彈出, 無灰在空中。
Duty Glow Plug #3 (點火器), 易燃綿花(flash cotton), 易燃紙(flash paper), 可在網上買到或可自製(好似幾危險)
教整易燃紙 https://www.youtube.com/watch?v=Ir9vU0N73l4
教整道具 https://www.youtube.com/watch?v=fJrv-nhgIV8
成品效果 https://www.youtube.com/watch?v=khIH_uWT-bo
彈開人 - 用靜電電人
記得以前有個同事話佢去一間武館, 個師傅發功電佢, 駛到佢彈開。唔發功, 點碰都冇事, 佢問我點解? 關咗電源咪冇功囉, 開番咪電到你飛起, 咁簡單,哈哈
道具：一個微型高壓器, 一個開關, 一粒9v電蕊, 電缐, 同一張細小錫紙
過程: 高壓器接開關再接9v電蕊, 高壓器一條抽頭連接到鞋下低張錫紙上
用: 一按開關, 人碰你或你碰人, 人地被立刻畀靜電也到, 立刻縮手或縮身, 好似彈開咁。力水唔夠? 並聯多一組囉, 過大咪用個可変電阻 (小心別人有心臟病)
negative ion generator (微型高壓器)
教整道具 https://www.youtube.com/watch?v=EbRoqiwuoIs
成品效果 https://www.youtube.com/watch?v=jjLdEiyjt4E
上述兩個魔術道具, 裝曬上身十分鐘唔駛, 著起件製服, 做出嚟效果成個武林高手, 邊個敢碰你? 好多人講足一世, 練足一世都練唔到嘅功夫, 花費一百幾十就畀科技搞掂咗, 又唔會出偏差, 講成效佢冇咩? 唔打得, 都嚇死你喇!
華夏好多文化都畀唔同朝代改變咗都唔去考據, 人講乜就信乜, 静係識得死記。 再加埋離心力大過向心力, 搞到自己嘢流失囇, 人地啲嘢又識到半筒水, 又静係識係度唱歌仔, 變成依家两亡一頭煙, 乜都冇曬。 書都睇唔掂, 重練乜鬼呀!
依啲先至係: 即刻識, 即刻悟, 即刻有實效, 驶乜等几十年呀
做人要現實啲好, 發咁多又唔能夠對現啲夢幻做乜
再一警告,
可能燒著人地啲衫, 同埋可能搞到人地心髒病發,
唔好得意忘形, 搞到坐牢呀!!!
沒有留言:
發佈留言