介紹一晉朝文化

華夏有好多古文化都好係博大精深，可惜好多人墨守成規，一成不變，冇再將佢地再發揚光大。晉朝文化之“發骨節”就係一個好例子。人人靜係識得講依個係細路仔發育病，其實無論係老年，中年及年輕一代一様都會有類似嘅症狀。好多人話教內家功，學內家功或天人合一啲人，佢地應該對發骨節好有經驗架，但係冇一個講解過依個名稱，點解呢？

先嚟睇睇晉朝嘅古文化“發骨節”。係嗰陣時係叫“變蒸”，後來粵語將依個名改成 “發骨節”。跟據醫書講，變蒸代表三十二曰変一次，六十四曰有一小蒸，十變五蒸過程共需三百二十曰，跟住重有三大蒸，每一大蒸需時六十四天，共要二百五十六曰； 全個變蒸就係五百七十六天，完成依個過程後嬰孩啲牙就出現同識講嘢。咁變蒸過程做咗乜，一睇下圖就明白依個十変八蒸喇。佢嘅發育症狀有如下：與傷寒相似，微熱汗不出，發熱汗出，心煩，煩渴，不欲食，脈亂，耳冷尻冷，耳熱尻亦熱， 大便赤，嘔吐，口角起泡。

咁様歲半之後呢？唔通五臟六腑唔會再大咩，又咪係會有幾変幾蒸，咁你話啲人係未墨守成規，話係嬰孩病。返轉頭睇下粵語嘅發骨節，發者蒸也熟也，再加多兩個元素：骨同節，好明顯地係一種進化名稱。骨就唔駛多講，節係有表象學相嘅關節，而深層就唔簡單囉，係指血管，淋巴缐，同神經線嘅樞紐站。一個人理想發育就係一個整體性，唔會只有個別進行。但係好多時理想與現實都唔能夠同步，所以人係成長階段，時不時會借意病一病嚟平衡番發展唔平衡嗰方面，因而出現醫學上五行學説理論。

大人，中年人，老年人同成長中嘅年輕人冇乜分別，五臟六腑骨頭係就係生成咗唔會再大，再大就問題多多喇！咁點解佢地都有發骨節依種現像出現呢！同一個原理，它係一種身體自我調節，利用生病去紏正問題嘅自然方法。對少數人嚟講：仰慕特異，玩動靜功嘅人，就要借助一啲方法刻意地去重組身體機能，達成俱有超出常人能力同發展。而一啲冇咁進取者，只追求平衡身心乜都唔求嘅人， 結果同進取一様，全部都會誘發出發骨節症狀。係咪咁大鑊呀？聽都未聽過。未聽過唔等於冇，唔識嘅又點識講呢！

人嘅身體本來隱藏住好多細菌同病毒，五行唔平衡，脈結及發展不良，表面去睇好似好健康，其實身體處在一個臨界面上。好多人話現代生活繁忙，打打坐做冥想可以平衡身心。啲廣告時不時見到乜乜圖表，乜乜數據去証明有乜實效去吸引人去學。但係佢地冇話你知：靜而後動之幣處。係靜坐下，人好似頭腦清晰咗好多，依種清晰感係邊度嚟呢？平衡只會得一種混沌感覚，腦部減慢活躍係由於能量下沉咗，好多人好響往依種感覚。久而久之，血管收狹，供求量減低，應有嘅流量去沖走膽固醇也失掉，做成日後問題。當能量聚到一個程度就開始動喇，現象就好似火山爆發，能量今次向上跑。有阻塞嘅地方又沖唔破，咪依度痛嗰度痛囉！嚴重啲咪會用生病去調節個身體，可惜啲人矇查查繼續在唔識下去練，唔衰攞嚟衰。

玩動嘅一群，都唔見好幾多，問題亦會如上述咁出現，因為下富上貧，貧富之差距，身體內點會唔打交呀！佢地重用埋啲乜乜特定方法逆轉原有系統，五行変成搖搖板，忽上忽落忽左忽右，亂咁搞自律系统, 快速駛到骨節與骨節鎖死，樞紐更加快阻塞，點會唔發病呢？係有聽過玩動功啲人有頭痛胸翳悶，不過冇聽過有更大鑊嘢？咁就要睇教你嗰個人練到邊度喇！教者講來講去都係個肚腩，佢都未練到上身又點會知呀！睇睇変蒸圖內涵係講乜？肚腩嘅上面，上身也。肚腩嘅築建做得唔好要跳步去搞上身，就変咗唔上唔落，又係唔衰攞嚟衰。上身重有乜，脊骨同胸骨，開依啲關節係咁容易咩！唔開又邊度有嘢睇呀，氣又點運落到手指呢！網上有個吹水老師話:開胸好痛架。邊嗰話佢知架，有頭冇尾，係痛到病呀！

至於嗰羣話要開發智慧或特異嘅，亦都唔明發骨節內涵：鬆骨膜，打通體內樞紐，就會生病，病完一鑊又一鑊，病到眼坦坦都未能開到個雞心到大榷穴及體內嗰啲樞紐呢！真正練功之人，點會有肥頭得意架； 古時啲人講貧道，貧者瘦也， 唔係講個袋有幾多錢呢！未能做到關節與關節彈開，樞紐與樞紐連串，個腦重係只有常人嘅百份之十一功能，遠離有智慧有好大距離。所以只有背書嘅人，人講乜就信乜，古人吹水又跟住人吹水，又去教人: 越坐得耐越有功。 係唔係架, 唔係越病越有功咩!  嘆! 佢地個本書都冇講到發骨節！ 重有啲重搞笑: 我奉我大佬之名, 你快啲走, 事后你唔病一輪算你偷笑囉, 哈哈!  唔識嘢, 就唔好扮嘢喇;  凡事莫强出頭呀, 有咁大個頭, 先致戴咁大頂帽。

唔好講咁高深嘅名詞：一羽不能加，咁簡單已經考起好多人，解又解唔通，做又做唔到呢！佢個解釋除咗平衡外，還有一解釋係不加外力，而有一種如羽毛嘅感覚；胎息係指下丹，羽毛係指中丹。文人要引用古典書去解釋古代文化係冇可能嘅，只能用體驗先至明白古代真經。文雅人話愛搬弄是非的女人為長舌婦，粵語就話八婆， 咁二者有乜分別呢？ 功到咪自己明囉，哈哈。

電影，書籍，廣告用 “十分容易”來誤導依群響往有成效嘅人仕。貪圖, 係佢地嘅弱點，在甜言蜜言下，蒙閉咗佢地嘅分析能力。乜嘢分析力呢？教者練咗多年，睇睇啲乜乜同門師兄，師姐們得到咗乜呢？智慧開發上可唔可以解通古籍書，功法上可唔可以睇通人心意，預知未來，係唔觸碰人下對手飛出十尺？佢地做唔到，咁個教者呢？講長壽，啲師伯們又有幾多歲？講健康，佢地全部冇病痛，行得走得，冇疾而終？ 全部都係得個 "講" 字。

十個著咗九個半都係攞往本承傅作生招牌。現代人無人可以証實到原文有冇畀人刪改過或作大。當個祖師有料到，用一個現代例子去分析佢嘅有料, 我地又能唔能夠得到佢嘅真傳。一個天生擁有一目十行，記憶力超強嘅人，開班授課教記憶，可以肯定講一句，冇一個學生能得到授講者百份百或百份之五十記憶能力，點解會咁？教者係個奇才，佢一出生個腦部記憶樞紐發展已經畀人強，佢自己都唔知道點可以做到，咁佢點可以教人呢？正如啲人話，乜乜師祖可以做到，其後所有承傳人一個都做唔到。重有中西如是，每個承傳人又留一手，咁嘅情況下乜都無曬囉。仰慕什麼呢？故事！

做人唔好貪，啲人搞咗內家功，超能力咁多年，乜嘢有大成就嘅人都未出現過。搞咗咁耐，一粒子彈都抵擋唔到，眾人拜仙佛神咁多年，中西神都唔嚟庇護，重要自己攞住個包袱雞咁腳走難； 廣告話乜都得，現實中乜都唔得，遊戲人間算算。多睇自己文化，多思考，唔會畀人呃呢！易經中，潛龍勿用，龍者五臟六腑嘅能量。好多人英年早逝就係透支咗依啲能量呢，發骨節都幫唔到佢地忙。

專注一門自己言語學問，才得其精要
功要長係用 "煉", 火者頂门也, 唔係 "練"  或由著熟而渐悟懂

人地啲嘢翻譯错漏都唔知, 點可代入自己嘢度呀!
大小周天咪係讖緯學囉, 邊度需要火箭數式去解释呢!  
道係好簡潔, 真係要講, 用幾個字, 人地就明曬囉!