歐州人唔係個個都有一把金頭髮，歐州女人認為金髮靓，好多女人將佢地頭髮染成金色。早上三四十年前，商家推介畀亞州人，好多人又有様學様去染髮，又唔睇下自己外形同輪廓配唔配合，將啲頭髮染成五顏十色， 以為好新潮，變成人地咁。在歐人眼中，你來自邊處就係邊處人，唔會因為髮色改變就變咗係佢地。記得幾年前有個前衛嘅五十多歲嘅外祖母染咗一頭金發，看似金毛獅王，冇人夠膽對她髮色出一句聲，幾天后她自動自覺地染回黑色，可能佢知道無人接受佢嘅前衞與膽色。
染髮可以轉來轉去，但係整容就唔同。有人覺得個面形，個鼻或某處唔夠睇頭，找個整容家去全身去打造。一個黑人歌手話皮膚唔夠白去漂白佢，個鼻唔夠尖整尖佢，可能改得太多嘅後遺症， 最終日日要食止痛藥，依個叫做有得必有失。佢改咗咁多嘢，你話佢係乜人呀？黑人或歐人，還不是原有膚色嘅人，改咗變咗冇改！好似佢咁，問題唔係様貌同膚色，係佢自卑感太重，不滿祖先畀佢嘅基因呢！人地嘅嘢，真係好過自己嗎？
個幾月前，用南美台睇世界波，講嘅係西班牙文，見到藝員係歐人面孔，廣告啲茄哩啡又係歐人様貌，以為走咗去歐州台睇波，原來係麥西哥電視台。麥西哥人本身有自己文化同信仰，因為畀西班牙人統治多年，強迫性地讀西班牙語同改變信仰。人地都走咗咁多年，自己都冇自覺地去保存自己文化同信仰。反而畀嗰啲西州牙遺留落嚟後裔洗腦：歐人形貌先至係至高無尚，本土様貌係低下民族。起初依群後裔只屬一个好低比率人數，求生梗係要出一啲手段先至可以生存，咪利用雜婚産生出嚟嘅後代美去圓其説。 咁嘅抬高自己踩低別人錯誤意識一代傳一代，人人都希望與歐人或歐人後裔結婚，希望值此提高自己係社會上嘅地位。依種形像風氣流行整全拉丁國家：危地馬拉， 洪都拉斯， 薩爾瓦多， 尼加拉瓜， 哥斯達黎加等地，巴西就有啲唔同，講葡萄語，崇外様貌都係一樣。番返嚟亞州，菲律賓， 同様有依種風氣。咁佢地無形中降低自己身份，將來又點係個世界上抬得起頭呢，咪係自己揾笨自己！
一鍋二窗
依啲西西地嘅人，係咪真係可以畀西人接受呢？無論係風土人情都同正版肯定有個差距，食物方面都唔同，性格上亦會因氣候唔同又有差異。 自己方面, 體質上因混有不同基因而産生微妙變化, 何時會知, 大生病時。假若有日佢地真係要移運到西班牙，比起其他移運人, 佢地優勝靜係言語，其它方面一切要重新嚟過。言語話係有優勝，但俚語各處不同，唔出聲人地唔知你係乜水，一出聲就知唔係自己友。 嚟旅行乜都得，嚟同人爭飯碗，唔畀人排斥就勢假嘅。咁有人地外貌，去到人地處咪一様身份下降，又唔能夠平起平坐。年輕嘅一派, 連依種實況都睇唔到，重去踩低自己人，唔去再提倡自己舊有文化？係經濟層面與科技上，雜有歐人血源又唔見佢地聰明咗，咁有乜用呢？皆因自己國人無咗份形聚力，自己鬼打鬼。中國人話齋，金玉其外敗水其中，可以用來形容依群拉丁美州人，成功係要靠努力，唔係靠個様， 不過世事都唔係絕對嘅，做風月埸所就要喇，叫價都可以高啲。一個其醜無比有銭佬，要找個美若天仙嘅騷貨容乜易呀，人地要你嘅係新鲜，未到人老珠黃巳經畀人換咗畫囉， 等到珠黄時有西西地個樣咪又變成下等人！
唔講人地講自己人，今時今曰有幾多人真正認識自己文化呢？口話同人地文化交流，自己咪識少少扮代表。自己有幾千年文化重要跟人地學禮儀廉恥，話人地嗰啲先至係正貨，博大精深，外人一睇就笑到碌地喇，不過唔好意思對住依班蠢貨笑佢地啫！好多人邊啲係自己邊啲係人地人都分唔出，又要將自己嘢梗話係人地；又要話人地啲醃菜好食過自己；好心依啲人讀下自己文化喇！又有啲人，一見到外來客就惗到有安全感，可以移運。依家外遊咁方便，資訉咁發達，本土要有幾有錢就有幾有錢，大把選擇，只因佢地冇本事得到啫，有本事駛乜去做過埠新娘呀，靜係識用用依種方法提高身份。話貪人地牛高馬大，係好嘢嘅搶手貨，又點會輪到你，門隙對門隙呢，緍後你就知堅嘢定流嘢。世界上就有好多依啲矇查查嘅人，係人面前扮到好似好風光， 夜半哭啼咪係依班人囉；人地食臭芝士你食臭豆腐，大家都係臭，可惜格格不入呢！得到咗或失去咗乜， 只有佢地自己先至知。點解依啲人唔去自己發掘自己長處呢，一尾瞎目去外求？認識先知至可以分辨係唔係吹水同夢幻呢。
最近遇見一個老外自稱天生擁有特異功力啲人，據聞可發功醫人同埋睇到人地睇唔到嘅嘢。一試之下，只不過係土包子一個。普通人，每日食多二粒維他命E, 個手心都會發出熱力喇, 人人都可以做到, 依個手心發熱唔係叫做特異! 佢又講到個身有能量發出保護罩, 可保全家, 乜乜鬼怪都唔會係佢屋企出現。一睇之下，佢間屋咪係烏煙障氣，通屋都係嘢, 佢咁都睇唔到？ 咁又好難講，物以類聚，邪人點睇到邪派嘢呢！覆述者其實就係識得個 “迷”字, 乜都唔識， 只信人，日日畀人催眠, 就信以為真。而話有料到嘅, 又信自己嘅無知， 咁嘅吹水人通街都揾到喇! 人要有識別能力, 先要有認識才可分真偽, 一尾追求模仿同仰慕別人, 而無咗自創自辦能力, 得到的是個 "聞瞎" 稱號。要有即時特異用科技咪得囉， 畀幾銀嘢買個高壓器就可發功，即刻有特異，駛乜去學嘢呢！學嗰個吹水友咁，畀個有功力嘅人吸幹佢啲元氣，叫部十字車嚟醫返都有排養傷呢。
啲人成日仰慕人，話人地啲嘢好過自己，咁人地啲嘢又係邊處嚟呢？咪係精益求精，你唔去硏究咪變咗籮底橙！人地斯文有禮，唔會隨街吐痰小便，係你眼光淺狹，閉門獨居，睇唔到人家反面啫。假若一個人對自己及周圍都唔接受，咁咪去人家處揾食，唔係去遊埠，咁你咪知尋唔尋到你個美夢囉；体驗下你接受人，人地又接唔接受你，係咪大家都咁高咁矮。老夫其實個心好黑, 好鼓勵人地去崇外, 勸告別人此路不通行, 別人只會回應: 可在此小便。要等到人地扑崩鼻, 受到嚴重創傷時, 才開囗也不遲。到時返唔返到原位, 係佢閣下的事, 鬼叫你唔先前好好學習自家嘅歷史同文化咩! 一尾向外求, 交雜下咪得到交雜而無精萃； 係交雜文化下, 一加一係等於二, 而在純文化下就等於三, 變萬物, 好高深呢!
文化嘅嘢係要自己用心去領會, 人地嘅係畀人灌輸無頭無尾資訉, 嗰啲受人二分四嘅, 一定話係好嘢嚟架, 其实兩者唔可以雙提並論。當一個人領略到文化嘅深處, 就唔會有東南西北之分, 因為佢地都係同一様嘢, 可以自由發揮同借鑒。唔識嘅人咪只得崇外囉，得到係一埸空, 得失參半或計清條數輸多過嬴; 買斤焼肉唔搭骨頭有一斤, 搭骨頭又係一斤, 邊個抵, 見人見智。
到處楊梅一様花，天下烏鴉一様黑
崇外係向人家下跪同叩頭，永無番身日, 有辱自己智慧呢!
沒有留言:
發佈留言