人係合羣嘅高等動物，好多時孤零零一個唔知點樣好，要打開電視或搵個朋友去尋找熟識嘅聲音。孤單寂寞雖然連結係一齊，但義理上係有唔同。孤單係指畀羣體遺棄或不想玩集體遊戲，而寂寞係冇人得閒同你玩， 感覚到一片空虛。點解集體遊戲唔好玩要離羣呢？
清晰可以使人開竅，悟到好多書本嘅真理，個人変得聰明咗，其實依種講法係賣廣告嘅説話！一個人能夠睇嘢咁通透唔係一件好事，睇到依個世界十樣續咗八九様都係假，人點會再開心呢！三十年前所謂之深度冥想經驗已經嘗過依種滋味，最後抽身(唔玩)而出，去醉眼看世界， 人反而喜歡依個燈虹酒綠世界。有啲人低受唔住依個真假不分啲世界而去自絕，阿離先生係佢某本書都講過喇，只不過啲人當耳邊風，無深入硏究啫或自己都未有咁嘅功力去嘗試。
世界上有乜係假呢，真係數之不盡。人生係個贏輸遊戲，創辦遊戲者定下規條，要勝出者就要不擇手段去出位，拉攏一羣次貨做爛頭卒做啦啦隊員，聲勢浩大，得到所求後，雄心萬象，連創辦人個位都無訂企，遊戲周而复此，求嘅只不過係帶唔走嘅數量同個聲譽。可惜我地就係咁困係佢地個遊戲裡， 咁你話死唔死，唯有同佢地一齊玩。聰明嘅就站邊玩遊戲，風吹去邊就去到邊，蠢啲咪走入個圈度囉； 火燭近門囗都走快啲喇，係間房中間，邊有咁快出度嚟呢！
朋友與朋友，家族與家族，雙親與仔女，兄弟與姐妹，至愛與至愛，至愛與家族，至愛與仔女等等，咪係一大堆遊戲。日日放工後，另一個遊戲又開始，或返緊工時同一時間玩幾個遊戲。文人用寂寞兩字點會有可能呢？不過依家好多係金波蘿，唔似以前啲大家族，煩惱都少咗。可惜時代幫佢地加插咗電子遊戲， 未識揾錢就識土豪式地去打賞畀啲哥哥姐姐，都唔知佢地得到啲乜？
有啲人話唔玩依啲世濁遊戲，離家出走，學有所成後教導人羣，教來教去個世界都係咁亂；睇睇街邊咁多通天眼就知喇！社會上簡單嘅遊戲規則係“受與付”，邊度有好似啲雙親養仔女咁，仔女乜都唔駛付出就可以白飲白食架。用番依種邏輯學要人收養你幾十年，佢係你邊個呀？入咗人地门口，好快你就知要自供自給，幫頭幫尾，揾番自己米飯錢，重要有進貢呢！泊碼頭都要識泊，住上幾年間，人地話經費不足要關門，將來啲日子都唔知走去邊度好：工作經驗又冇，粗重又做唔掂，年紀又大，屋又冇。最幣人生遊戲未玩完呢！要自立門戶，自給自足，咁有號召力，人地就唔駛關門喇！
咁世界上有乜係真呢？咪係你自己嘅感受；針唔㓤到隻手唔知痛，㓤到又知痛都話假，咁依啲假人食嘢做乜鬼嚄，公仔都唔駛食喇，曬米飯。人要面対現實生活好，講埋啲自己唔可以証實嘅嘢，知啲唔知啲就吹到上天。人地話太極拳係迴力拳，有個反彈作用，係唔係真呢？係真嘅，不過啲人做唔到，咪用推扮作反彈囉！又講到好玄虛咁，又要聽又要聞，邊度有咁複雜呀？人地未伸出一掌或一拳，個身已經有咗個氣場架，唔係硬崩崩嗰個物理架，一碰就借個架內四両能量畀番啲力量人地，就係咁簡單。點解啲人做唔到？個頭，個肩井穴，手肘，手腕啲穴位都未開，咁咪係度吹，係度推囉，哈哈！人地一碰你個拳，唔畀番啲力你嗰陣時，你咪感覺虛脫囉！重有冇，人人奇經八脈都有啲唔同，唔係人人一様架。多講都冇用，啲人又冇基礎又做唔到又睇埋啲垃圾現代書，対牛彈琴; 篇篇都有精品, 不過啲人唔識睇,哈哈。
所以要做一個孤單嘅人係要有兩個條件，“錢”同“真材學問”，先可以自“娛”；有錢無學問變成自愚，氹氹轉玩自己自以為對嘅學問。畀你睇通個世界咁又點呀，地球唔會因你一個而改變，眾人利慾熏心嗎，你唔要錢唔代表人地唔要。而一啲灠於充數嘅人話功夫高超，教人做捕快或鬼口販賣。好心喇， 鬼都未見過，又未聽過佢地講嘢，又唔識同佢地溝通，拿住碌鉄就話佢地係度。嘆，駛咪揸碌鐵咁麻煩呀，佢地時時刻刻，廿四小時都係你前後左右或上或下！唔好揸住本童話書嚟教學先得架，朝頭早走曬佬咁都講得出。
好多人話鬼可怕，睇過未先。其實人重可怕：誇大言詞，挑撥離間，殘酷無情，唯恐太平等等， 來去都係為個數字同自大。記得幾年前相識咗四十載嘅哎呀親戚，話畀佢聽間屋有鬼，佢嘅回答駛到老夫好愕言：依度好多鬼，等齊人先致講。原來佢心中有屎，一屋都係懶鬼，乜都怕蝕底，乜都詐唔識，作懶心虛呢！一生人就係識“受”唔識“付”，得到個單思或單黏病，係度夢想緊個主接佢去快活林，假若個謠傳係真嘅，個主要依班人做乜呢？不過依種夢幻係人為創造，永遠唔會發生嘅。
對人要講人話対乜鬼都要講人話，如果唔係就面阻阻喇！以前講笑乜都可以講，依家真係要好少心：男女有別，性別加多個中，高矮肥瘦，種族殘障，勤力同懶等等，一不留神，唔好講份工冇咗，底褲都要判埋畀人。往事只能回味： 幾十年前，係公司擔住口煙兩頭走，開大會男女同事老細齊齊炒蝦拆蟹，齊齊講亞卿姐下底嘅造型， 幾咁風流快活。依家？世界變曬囉！
老夫都要由醉眼回歸做個沉墨的孤單人。 話要形單影隻，咪又要畀人拉去睇大戲幾日。 依埸戲，唔駛合指算算，两隻飽讀詩書小鬼巧妙佈局，方向已好清晰見底，死症，無药無法可醫喇！
咁辛苫做個挑通眼眉嘅孤單人有乜好，大癫大肺风流快活又咪係一生
沒有留言:
發佈留言