介紹冇明

上致博士下致乞兒，都有好多嘢唔明同唔識，皆因我地缺少多方面學問。專門學問係人生, 唔係一個整體學，只不過係鑽入專門牛角尖，希望能夠掌握學問嘅真相，用心用力又成功嘅，嗰門學問會係博大精深。但因時間同精力唔許可，好多人生要學嘅嘢就失去咗機會。而有啲掛往專門學問，懶洋洋嘅態度，就變成遊戲人間。

最近新聞有講一個擁有博士位硏究員，埋頭苦幹幾十年，忽然想到要錢，佢去銀行，但係唔識攞錢。依個唔係乜嘢搞笑現象，毎月糧單，起居飲食鞋物全由老婆一手包辦，專注工作， 咁咪唔識囉，常人眼中佢係天才定白痴呢？咁佢嘅人生有乜意義呢：揾錢工具，筆生硏究喜好，避世？無論如何， 佢對間公司都有貢獻。

好多人硏究咗心經好耐，點解要去硏究，人各有志，人有所好，依啲嘢唔係依個話提內。其中一句：無無明亦無無明盡，乃至無老死，亦無老死盡，無苦集滅道，無智亦無得。睇佢地啲解釋，出動曬十八般武藝，越睇越唔明。老夫用道學：唔係一個宗教，係宇宙學，靜係用大細就解釋到喇！全句就係週面復始，大變細細變大。

人係大，細菌係細。人在世有好多嘢唔識，咪見到冇冇明，人死後變貓狗，做貓狗時巳經無咗人嘅記憶。主人叫坐係度，很快就有嘢食，唔需要明，一坐低，口水就流出嚟。點解會死，點知呀，主人都冇教，佢靜係教瞓，咁咪個身伸直囉，不過之後就冇嘢食。由動物變成蟲蟲，點解我識飛，其它蟲唔識，又唔明，想揾亞媽，都唔知邊個係，想問同様嘅，點知畀佢爬咗上嚟，事後搞到屙咗好多粒唔知乜出嚟。由蟲変細菌，點解有咁多巨大物體係身邊，話之佢呀，有飽肚就得喇！由細菌変土壤肥田料，集腋成裘後変大咗成為會喐嘅嘢，再由有形物聚集更多同一様嘅嘢於一身，又再演變成豬猴，由低等再變高等，周而復始。

人地都唔係咁教，你啲係假嘢。咁你老師教咗咁耐鬼神，佢見過或聽過佢地聲音未先？最近世界杯，開埸時，我問我死黨，阿乜水結果係乜？佢畀啲答案我，都唔喏，佢巳經係遊魂喇，佢乜都睇唔到，即係話我只不過同自己講嘢。好多人話同神対話，真唔真架？下次問問球賽馬賽，睇下準唔準。神又點會做依啲嘢架，佢地只會幫人渡過難關！咁你五行欠金屬唔屬於難關？我已充夠。咁你畀曬啲錢我，我唔會畀返你，你咪有難，有條件可以問喇！要去証實就係咁簡單。如果唔得，重有歩棋可行，問個老師攞番以前畀佢啲錢，佢地成日話錢冇用，等係度發毛咩。如果佢話用曬，問佢你企係捐獻箱旁邊代收得唔得？個答案係唔得，咁你明唔明點解？唔明，即係冇明囉。讀多啲書擴闊視野，就由冇明到有明。冇冇明即係讀書少呢！ ！ ！

啲人成日講愛心滿萬家，有人係遠方而嚟，話好遠嘅地方有好多人無飯食，畀埋啲可憐相畀你睇，叫人幫助手。點解佢地唔揾自己友去幫呢？佢地自己友要幫自己友，冇能力再幫或者佢地孤寒？畀相人睇啲人或幫口啲人，肯定有老花病同近視，我地周圍冇人需要幫忙嗎？點解自己友唔去幫，要幫佢地先！好多人都係咁，自己有個家，一星期先至得個日半休息，乜乜聚會用咗半日，人地話要幫人又用咗大半日，搞到自己間屋好似狗竇咁，依啲咪叫做有遠親冇近親囉。睇睇啲發起人點會係散仔，事事有人待勞，同時又冇個家，佢地梗係得架，我地又冇錢請工人，一腳踢，梗係唔得喇！

你會反駁，你睇睇啲大佬，佢地又咪係老花！以前我都係咁惗，依家唔再用狹義思維去睇嘢。大佬罩住你，保護費肯定要畀，你有事揾大佬，大佬有難揾邊個幫拖？依家啲靚賣緊啲貨，係同人攞，貨源一斷，成個字頭就企係度，食西北風呀！所以狡，聰明也，兔三窟就係咁解啦。你唔好見到大佬大魚大肉，咁闊佬又送禮，一有起事嚟，供應貨源唔會斷，一斷，依個係連鎖反應，一個行頭死，第二個行頭跟往嚟，到時人人有情飲水飽囉，你又話大哥無料到，去轉字頭。上面三個例子，頭者得愛心滿外家，中者垃圾滿自家，而後者有遠見，各有不同結局。冇明？

厚黑學祖師李宗吾話邊個親啲：我你他貓狗樹木石頭；前三者係人，貓狗係寵物。你隣居有隻竉物，而你失運加埋有一羣化骨龍。你個隣居會唔會畀咗隻竉物人地，用照顧竉物啲錢幫你一家呀？你係人仔女係人，梗係唔會喇，非親非故。咁様咪打破李宗吾所講啲嘢囉，人與人親密啲講法。另一例子：講博愛啲人，過時過節都會有團體慶祝，佢地開心得滯，睇唔見啲窮人。點解佢地唔攞曬慶祝啲錢畀窮人呢？先有我後有你，分享係畀啲，唔係畀曬，唔明？

人要有生存空間，一羣動物愛護者話：動物要同人一様要有生存權力。依種講法正確，得係唔絕対。動物繁殖率高過人，佢地靠植物，雜食得以生存，佢地大量繁殖，佔曬啲空間，人住係邊，佢地食哂啲疏果，肉類，人食乜？有它又有你，咁倡議人同動物要平等，點去解決依個問題先？愛動物啲人要畀生存杈力佢地，但係又唔畀動物杈力佢地； 點解個主人食嘢佢地冇得食， 點解要佢地帶上頸箍，點解未經佢地同意切咗佢地蛋蛋呀？點解唔養坑渠老鼠又要整死佢地呀？愛心又廷伸到魚類，佢地食肉製藥就得，你靜係食個邊邊就唔得！講來講去都係選擇性遊戲。為動物去遊行，又要煲番啲眉豆花生雞腳湯去補番隻腳，飲番啲人參片去補氣。依啲你又明唔明呀？

雞權
雞會啄人, 點解啲人咁锺意雞呢? 擋不住的風情味

貓權
人咁锺意猫, 因為佢地夠高竇

人權
人點解锺意小動物, 可以顯示強者之風

食物循環鏈點可改變?

人生在世有好多嘢我地都唔識，好多嘢發生緊或發生咗，來龍去脈我地乜都唔知，咁你話有幾多無無明呢？乜嘢叫正確人生，乜嘢叫人間遊戲，我地又識得幾多呢！好多時我地都係跟大隊走，人行錯路，我地又行錯。由遠處看人羣，佢地又好似好有文化善心，但係做啲嘢又好似用書本所講啲嘢唔同，成日搞到滿天神佛。鬼咩，我地由細畀人嚇到大，依家啲人重想盡辦法去嚇人。搞清楚人同神有乜分別，咁咪有大把時間去享受人生囉！

又再引用心經頭一句：觀自在菩薩, 行深般若波羅密多時, 照見五蘊皆空, 度一切苦厄。睇見自己係菩薩，去到好高階層境界時，乜都睇唔到，乜嘢煩惱都無曬。釋氏一背脊痛就去打坐，唔係一個好麻醉劑例証呢。你話我都唔玩依家，用另一家直白到唔直白嘅例子： God helps those who help themselves。神只會幫, 幫自己的人; 邊個幫你先, 你自己, 咪即係話你咪係其中一個神囉。所以粵語話: 神又係你, 鬼又係你, 咁重唔對應外來學嗎? 重搞咁多神神化化嘢?

不斷去學習, 不斷地發揮個人所長, 不斷去尋找失去的童年夢幻, 依個先致係由無明到有明。今天得到嘅, 明天會失去, 有咪用呀? 依個係自然法則, 唔係你同我定, 係大大大神定呢! 今日你食咗嘢, 又唔通你可以保留一世咩? 升班留班, 就係睇你識得幾多嘢; 返工成日頭鄂鄂, 一舊雲咁, 老細都唔要你喇!

越唔明越可愛，乜到明,乞人憎