介紹古今學論

由古到今，時代轉變，同一個字意思也有唔同解釋。其因在古代有情場高手，亦有武林高手，更有文武雙全，字義解釋已唔同曬。有很多人喜歡用古人嘅文章內提及相似嘅句子作引証，或用嚟自創一啲成語，得唔得架？晏幾道同黃庭堅係同一朝代人，一個係溝女大師，另一個係道人，用字相同，不過內涵解釋就唔同哂。係普通嘅文學上係無話對或錯， 只要讀者明白或接受就得喇。但當一牽涉入一啲專門嘅學問，如五術：山（仙）、醫、命、卜， 咁就死曬火了。

前人作嘢係畀當時啲人睇，而當時啲人又未必識睇, 字與句內暗喻嘅嘢或來龍去脈。過咗幾個朝代，啲人番睇時，用當時文字解釋去註解。古文留到現在又過咗幾多百年，人地本書有一千年歷史，啲所謂破譯者引用五百年前啲書去找解釋，再加上一千年後依個破譯者又用現時嘅字面解釋去詳述。咁你話原文翻譯得番幾多成呢！點解啲人唔直接了當用原裝版本去破譯而要引經論句呢？冇信心同怕人地唔信佢。所以係書尾，有好多乜乜參考書囉； 亞乜水都認同，佢都係咁講， 咁你重唔信我？哈哈。

以前老師教學係死背書， 大多數學生哥邊度有咁多時間四圍八呀。你話咁解咪咁解，話錯就食雞蛋，營養十足，返到屋企重有餐魚肉食潻！依家做咗時間經理人，慢慢查古字典， 先知到好多嘢畀西席好八股佬或先生好，呃曬。原來佢地都係畀時勢所迫，唔係咁教，校董先嚟個飛砂走奶走咖啡嘅口水畀佢飲，跟住好闊佬請佢地食海鮮餐，食完餐後, 立刻榮昇咗做量地官。

所以依家啲現代文學，詩歌， 古人番生都唔識睇，佢地縐曬眉頭話依啲係乜嚟架！梗係喇，佢地骨頭巳經打咗鼓咁耐，字義呀名詞呀，意思都可能同佢地讀書嗰時唔同喇。不過依家嗰啲好直白，冇內涵，冇隱喻，帶有少少自我陶醉豆芽夢 ，只要有本現代字典就唔駛補課或重讀就明曬。

好多人成日話四大皆空，個空字解作乜都冇。買番嚟啲來佬貨又冇操作手冊跟堆嚟。字譯字，句譯句就得喇， 駛乜考據咁多呀。人比人比死人，字典比字典就死曬火架喇，有人信就得喇！咁又講得好合理，話到明出家，貨物出門永不退換，你鈡意點玩咪點玩囉！各地文化有差異，用華夏字典一查，真係死哂火，點解？

人地話四大：地火水風，全部都係空嘅。空字係我地文化唔係解作無，空者竅也。依個空字係古字，由空字演変出個竅字，屬於一個現代字，依家有好多唔同解釋。先嚟睇睇空嘅粵語同音字： 兇，胸，焢(火嘅氣貌)，箜(古代楽器)。再用空揾啲現今流通嘅成語：空穴來風（戰），人去樓空（唐）空前絕後（清），空前未有，挖空心思........等等。睇睇係互換下有乜走出嚟, 又解唔解得通:

兇： 兇前絕後，兇前未有，人去樓兇，兇穴來風，挖兇心思
胸： 胸前絕後，胸前未有，胸穴來風，挖胸心思。解唔通： 人去樓胸
焢： 焢前絕後，焢前未有，人去樓焢，焢穴來風，挖焢心思。
箜： 箜前絕後，箜前未有，人去樓箜，箜穴來風，挖箜心思。箜者楽器，弦數從五根至二十五根不等

係上高, 原來空兇胸焢箜係有相連, 竅係兇, 個心係胸間, 心屬火, 火生形態, 箜係頻率或脈。咁様個空字就唔係乜都無喇。再深入啲睇睇另一個成語: 胸有成竹(宋), 竹係一節節相連, 竹係向上生, 咪指前胸骨同脊骨囉! 一講到胸, 十個男人著咗九個半會惗到女人, 依個係正常自然反應。女字同個胸字, 又點會連上關係呢?

原來女字嘅古字同呂相通;  兩個口, 而中間有一撇, 歪歪地。係咪古人挑通眼眉, 知道凡人一睇女性個胸就有歪念産生呢? 梗係唔係喇, 其實都係暗喻一節節啲骨呢! 所以啲標奇立異嘅人, 話太極拳係佛家拳, 佢地連個空字都未能解釋, 咁即係話佢地都連節節貫串都未識呢, 點可到達神明境界呀! 玩胸咁易玩咩!

以前有個離先生出咗本講八觸嘅書, 真係皮毛到唔知乜咁, 啲人當本書係經典, 玩到好多人出事。其中一個唔知依家係瘀紅或網紅, 依個黑白媽話佢搞掟個頭唔再痛, 係搞掟就唔駛抄書作答。玩個頭同玩個胸, 有好多花神出現, 書都無講過提過, 睇下啲人點玩個空字。來佬貨都講到明 "頑空", 講到咁直白都唔知, 重玩乜鬼呀!

老夫寫得出依啲嘢, 係細個時食咗老師好多蛋白質豐富嘅營養餐, 而普通人成日食腸仔加雙旦, 咪畀腸仔內啲肥膏塞住哂囉, 有蛋都冇用喇, 哈哈。睇睇宋朝重文軽武, 終於送朝玩元; 晏幾道把女一流, 不過, 衰收尾, 詩詞歌賦有冇用呢? 如果由詩詞歌賦揾到武用, 咁就唔同曬喇! 依家乜都講推進器, 講音速, 啲舊嘢點得架? 科學係跟住個 "道" 字走, 係啲書蟲話佢係哲學啫。

胸無半點墨同胸毛有墨借有好大分別: 一文一武, 點解? 自己睇歷史囉 
粤語有個諧音粗口: 你識條輪咩, 解作氹氹轉呢!
契爸媽點及爹娘親, 不過好多人都否定后者, 哈哈