先嚟解釋乜嘢叫氣：咪即係五行之氣；金木水火土。依種氣唔係嗰啲風水佬所講啲又圓又尖嗰啲嘢，而係中醫講嘅心肝脾肺腎，係內在嘅嘢。點解風水佬同中醫唔同，又係一匹布咁長，有心情第日先至講。而質等於質地，講質地點能夠冇量，因此質同量要走埋一齊。有幾多質量唔係你同我定，係由受精後到三歲期間已經定形咗。 （唔明先睇六月份, 三生文章）所以古人話：三歲定八十就係咁解。後天能夠做到嘅嘢係去充實，補其少，唔係無中生有嘅缺。
有咗上面嘅概括知識後，依家將兩字合一。一粒精子進入卵子後開始分裂，外形血管心頭四肢脊骨內臟陸續長出來，腦部就好似一個缐路板加IC加電阻等，但唔係快快都通過驗測，可以有百份百功能，大大小小嘅訉息都要經過佢。五臟六腑供應能量訉息畀個腦，因而得到調節平衡依個整體，普通人稱之為五氣。而每個人嘅五臟六腑並不生長平均，有人個肝強啲，有人個腎弱啲等，所以各人五氣質量各有不同。脾強啲，電路板某個地方屬脾功能就活躍多啲。係迂回曲折下, 五臟互補互克下同嘅配合, 産生咗唔同嘅氣質：文武材智貌粗柔等。
假若上述太深奧，回想老師要我地成日背，成日用成語作句，嗰啲成語咪有講曬依個氣質：天生麗質， 濁質凡姿，文質彬彬，質而不野等等。依啲咁嘅成語係曬度，點解啲人要去估，要引用人地啲嘢呢？其原因好簡單，教人成語嗰個本身學嘢唔得透徹， 唔能夠用簡單而清楚説法教大眾；又好多人仰慕人家之學， 人家嗰啲先致係正貨。一個人明白理由，就唔駛兩頭闖，見到別人寫同一話提，腦中會彈出一個訉息，己明白了，己者過去式乜，即是話老師教得好。
古人都講到明：天生麗質難自棄(唐長恨歌)，依種係與生俱來嘅嘢。與者父與母嘅基因同自己嘅頭腦發展，所以自己都唔可以攞走呢！依七個字， 重點在容貌嘅麗，已推翻常人所講，點去模仿別人，點様裝扮，就可以得到氣質。裝扮係一種外觀加潻色彩嚟點綴，與本質由內而發，完全係兩回事。所以唔好搞錯, 天生麗質既係濁質凡姿先得架！文質彬彬，重點在文，又有人稱之文質斌斌，兩種説法其實來自文質份份, 依個成語唔係我作架，係啲文人改咗, 點解叫份份呢？先天一份，後天一份；有先天條件對文學有天賦，而後天加以裁培充實。咁個質字，係由斤斤加個貝所組成。粵語質問人有幾多料子會問：你有幾多斤両？第一個斤就係份份，而第二個斤就整體嘅氣或綜合氣; 睇睇個彬字, 木+朩+彡。貝者非解作貨幣，而是層次；貝殼由分泌液一層層加上。至於質而不野，有人話過老夫寫嘢霸氣十足，粗野蠻性，不可一世。其實係畀人呃得多，以前處處碰釘子，經一番努力尋到真相後舒發情懷啫。能夠共鳴者，感覺老夫文筆不好，但有質而不野， 唔識嘅咪如上述所講，哈哈。
上面所講係屬於一種睇得到嘅顯現正能量，凡事都有負面，亦有混合式正負氣質，所以粵語統稱之為衰氣同陰陽怪氣。負嘅咪係唔正派邪派囉。咁陰陽怪氣呢？陰中有陽，好似一個甘草演員外貌成個道友咁，曾楚霖， 唔識佢就唔係自己友囉。佢著咗龍袍唔似太子，靜係有扮道友氣質，其實佢學歷唔簡單，做過老師，而且係副導演。佢擁有一個完美, 文方面啲第一個斤，但綜合外貌就唔得喇，所以佢真正陽氣質係隠藏於內，而陰氣質表露於面相。所以睇人唔好單靠睇面相或衣裝，言行舉動都好重要呢。有氣質同扮有氣質係唔同嘅。
氣質唔止有外貌同內藏，而聲缐都係氣質嘅一種。例如呂奇，張國榮，梁家輝，曾志偉等人聲缐與別不同，佢地就係靠把聲駛人注意佢地，加上外形。無論啲人點扮，犮音嘅頻率只能近似，亦都唔可以成世模仿。大傻都有獨特沙啞聲，但様貌同其它就差咁啲喇，依個就係斤斤配搭囉之別。所以形成就高中低氣質囉。
所以啲人成日睇埋曬啲八卦周刊，睇見人靚，有前有後，就話依個氣質非凡。嗰個一馬平川就話前途似咁，當人地著名牌攞幾十萬手袋，又話人潛規。畀著嗰個係土豪，就話人地無文化，財大氣粗。依種係個人愛好同憎人富貴厭人窮嘅評頭品足，跟本上講唔上認識或解釋到氣質。用出生在有錢家庭，窮等人家，讀書多少等, 唔可以用嚟決定嗰個人就有氣質多寡，氣質係天生，經後天充實，由內向外發。冇氣質，無論點様用後天去補缺，只係得一時效應，唔可以有永恆。所以古人有另一句名言：路遙知馬力，日久見人心/質。
一個人, 有冇氣質唔重要，最重要係天時地利人和，加上有冇百樂; 張國榮, 嘅百樂係黎小田, 。所以做人唔好咁清高，要有性格，不為五斗米折腰，講埋啲人到無求品自高入世未深嘅白痴嘢。你個肚，餓到咕咕聲，佢同你一齊禀神呢: 唔好催喇, 嚟緊喇, 重有幾步路咋！有氣質最好藏而不露，免招嘢麻煩與妒忌，番到屋企先至大顯氣質，除非你有個百樂撐住喇，但都要睇下百樂幾多歲，一朝天子一朝臣呢！
世界上, 冇嘅就扮有, 有嘅要扮冇做傻仔, 依個先致係现實世界。 好似老夫咁，乜都冇, 畀人睇前憎到後面，由後面都唔想再睇番轉頭，佢地話睇下佢隔離嗰個氣乳飛凡好過。未見過依個成語呢, 老夫自創架, 人粗係咁架喇, 哈哈。
沒有留言:
發佈留言