食物環保 - 可用多一次以上或物盡其用，而不浪費
環保食物 - 節省資源出産嘅食物
有機 - 傳統種植方法：人畜糞便，植物火燒後乜灰，雜葉同枝等產生堆肥。亦使用有機 農藥除蟲，而有機農藥效能不及化學農藥強
冇機 - 用化肥同化學農藥
種子 - 天然，接枝混種，實驗室下産生基因改造種子， 可控制：大少，形態様貌，顏 色，酸甜，多汁，營養，有冇種子，種子可否再生等。
食物環保係要講畀有煮食經驗嘅人聽，一個連餸都煮唔好，就唔好要求佢能做到。有邊啲人做唔到： 阿媽有飯食未，老婆餓死喇，老公今日放假搞咗一個下午重未得，瑪利亞快啲開飯。咁嘅情況下點識去環保呢？廣東人食嘢講求：色香味，食物環保亦都可以迎合依個要求，但美觀上有可能差啲喇。
好多人鐘意食雞：白切雞，海南雞，鹵水雞，醉雞等。有人識整但冇時間，有人有時間就自己整，無論如何買或自己整，出嚟都係一隻雞，斬件出桌，放入口。假如我地整好隻雞後唔斬，用剪刀先去骨，咪又係啖啖肉。骨頭加幾片北芪，慢火煲，変咗補氣雞湯。
有人鐘意食無殼蝦，啖啖肉，夠爽口，其實佢地係唔識食嘅土豪。整雪藏蝦有兩款：煎同炒；煎蝦嘅香味嚟自蝦頭同蝦殼，清炒味道來蝦肉同醬料。無殼蝦點解會爽口，新鮮？無論有殼定無殼嘅雪藏蝦一定加潻化學藥品作保鮮之用，而無殼蝦就赤裸裸浸係化學水中，乜嘢鮮味甜味都走曬出嚟喇。所以係外邊食到嘅係醬汁嘅假鮮味。雪藏蝦去殼去頭炒乾或焗乾後可以加入紫菜同豆腐成為一個湯。蝦身點様可以做到有煎同炒嘅風味呢？一斤蝦肉攞幾個蝦頭同小許蝦殼一齊炒就係咁簡單。游水鮮蝦就唔好做環保喇，因為鮮蝦好難脫殼。咁樣做有乜好處？殼含有豐富的鎂，鈣質同蝦青素，有助骨，心肌梗化，抗氧化作用。
去街飲湯，人地特別濃嘅地方係物盡其用，用咗我地認為嘅垃圾：雞骨，菜頭菜尾，東菇腳等。用依啲所謂垃圾做出上好嘅上湯或醬汁底呢！重有冇食物環保，真係數之不盡，咁就要睇你識唔識煮餸喇！
世界上有批人成日講食齋可以環保救地球。佢地個論調係動物死前産生毒素，唔食動物可以慳番好多資源：電，水，農作物等，係唔係架？唔駛問阿貴，你我都知道邊個灌輸啲知識畀佢地喇！華夏古代文化講平衡，唔可以太多唔可以太少，即係話人畜植物要保持一個正常比率。人唔食動物又同動物爭食植物，最終兩者都冇得食，行得通嗎？大量種植去迎合人畜需求, 個速度要好快, 單單依靠自然生態係有個定律，咁嘅情況下要用啲手段，改造植物基因，用化學加速劑喇！依啲方法有利冇害嗎？
講起做齋菜，唔係人人有時間，一手一腳自己整或識整。打工仔邊度有咁多時間同精力呢？做麵根要用幾多水，曬幾多時間呀？食斎啲人又咪係買番嚟，人地用咗乜去整你都未知呢！好簡單嘅炸豆腐，買番嚟油多多，清洗後隻手係曬油，要用洗潔精先可去手上啲油，咁你條腸要用飲幾多滴洗潔精去油漬呢？人地做豆腐，腐皮用啲黃豆係乜黃豆，攞嚟餵生畜定畀人食先，你又唔知。食用菇類用乜可以快高長大又唔知！吃素可環保救地球係真嘅，係乜都唔知下, 死咗都唔知點解，少咗啲人，真係留番好多資源比大眾。好多時啲乜乜專家係斷章取義，一時一様。點解會咁講？
大多數人早餐食中或西包，以前用豬油整包，可以駛到蒸出嚟啲包夠軟熟。跟住走咗兩批受過外來輸入文化人出嚟：專家同鼓吹不殺生，話豬油有害身生，所以改咗用人造油。依家有新嘅専家話：人造油有害身體。信專家，不如信三歲細路都識嘅實驗，搽一啲超市買到整包人造豬油係手，用熱水湧，手上啲油唔走，要用清潔劑才去掉，一日一啲啲，日子有功呢！認同豬油有害，睇睇豬油有乜好處 http://ishibk.com/4926.html
華夏同西方古老傳統都係用有機種植法。依家啲有機唔同之處係用咗基因改造種子，所以佢地特別大或特別細，又甜又多汁，廣告中話有機先致有係真嘅。咁様能夠改良品種係件好事，有乜唔好？首先係失真，有形狀冇真正水果蔬菜香味，其二，食物結構變形會起咗対人體産生連鎖反應：傳統藥物冇效，抵抗力減低，敏感等；時有新聞佈導，超級病毒可抵抗藥物，容易生病，花生或呼吸道敏感。啲専家話依家無嘢可証明基因改造食物會対人體造成有害，咁佢地係白老鼠身上得出乜結果呢？點解有啲農作物只適合畜生呢，此地冇銀三佰両 ？間接性同直接只不過是延遲咗時間。我地唔好期望啲 “受薪專家” 講出真相，真相一出首當其衝係佢地，同行無人再請佢地，餓死咗後絕子絕孫呢！
基因改造係一門好大嘅生意, 係第一次世界大戰前老外已經硏究, 起初在人畜, 後來發達到植物種子。有咗收成梗係要揾人畜嚟試驗, 窮人家有兔費嘢派有乜所謂, 一定要。但係窮等人家四處跑, 想得到真實數據嚟硏究係好困難。災難區, 人口密集係最好不過嘅試測埸, 得出數據比較真實可靠。係唔係呀? 你細個食過飲過救濟物呀? 佢地啲嘢係邊度嚟呀? 人地咁大方, 咁有錢, 你好純真可愛, 唔怪得你鐘意人人鍾意你囉, 哈哈! 邊度地方啲人好燥火, 查查有冇收過食過啲改造食物咪知囉。燥火只是一種改變, 重有好多如上述呢! 依家依門技術成熟咗, 重想有免費咩, 梗係要畀高價買喇!
至於冇機唔駛多講, 化肥同農藥, 大量使用一定対人體有害。食有機食物同様要農藥, 只不過係由某啲植物提煉出啲農藥, 藥性比化學混成嘅農藥性弱, 唔落多啲又唔得。咁嘅情況下買番嚟又咪係要洗幾次。咁様有機冇機用同様種子, 農藥照用, 大家都要洗, 點解要畀多咁多錢去買個高級名稱字嘅產品呢? 有機農藥食唔死人, 買個保障嗎? 人人學你咁有錢乜都得; 人人去買彩票唔係一定中, 用個鼻聞聞, 有農藥味有異味咪掉咗佢囉; 富人同窮人一樣會死, 睇你時辰到未啫!
以前老人家話心火燥，飲番啲糖水喇；番薯，木瓜等。依家啲水果咁甜，點解啲人食極都咁燥火，身體基因改變咗囉，古方再用已無效喇。秋天啲人皮膚乾燥，週身癢，又係要食糖水，綠豆加片糖，點解唔得架? 因為你加漏咗你認為対身體唔好嘅嘢：一片兩粒波子大嘅肥豬肉；燥癢係缺糖同缺皮下脂肪。點解依個古方重得, 可能綠豆需求唔大卦, 所以無乜改造。另一種身癢係熱毒, 人人都會有, 華人體質, 都係多食華人啲嘢好, 多飲五花茶涼水等, 唔好咁崇外化!
你今晚食乜菜
有機白菜扒瑤柱
講得咁高级文雅新潮, 咪係屎尿淋白菜會瑤柱, 哈哈
沒有留言:
發佈留言