新聞同八卦兩樣嘢都係報導，好多時寫嗰個人當時都唔在埸，得到啲資訉都係二三手； 聞者聽返嚟，八者兩頭問。所以報導不一定準確， 同時要睇在埸嗰個記性好唔好，佢企係邊邊，中間，高處睇到。最重要係當時佢個心境係唔係中立，有冇利害關係。因此一切報導唔可以信十足呢。
網上資訊得知張國榮嘅學歷有A Level, 入英囯大學讀咗一年唔夠, 因家事返香港, 點解要重讀中五, 好似有啲矛盾, 一個人成唔成功唔係一定靠學歷嘅。佢去得英國讀書, 英文程度梗係好過去其它國家喇。所以佢七七年用英文歌參加亞洲業餘歌手大賽佔咗啲優越。但係許冠傑嘅廣東歌熱潮重未冷卻呢, 所以佢起頭唱外文就唔畀人受樂喇。幾年後佢嘅百樂帶埋佢過當旺地, 一改歌路変番粵語, 不知不覺地佢嘅人生目標又邁進咗。睇睇佢六字(欠時辰), 八歲起運, 七七年十年運行緊土, 八四年変咗金。明星歌星演員行業屬水, 點解佢首Monica 係八四年紅得咁緊要? 啲人會話金生水嗎! 佢死咗咁多年, 好多人馬後砲幫佢推後算, 生砌死砌話係咁。可惜佢地忘記咗歌星屬偏門行業, 用平時用開嗰啲算法都未必準, 何況係偏門工呢?
借運係乜? 應該係有借有還嘅嘢卦。同邊個借, 啲運又由邊度呢? 啲八卦新聞都冇講, 只講有高人指點靚靚由地下跪行到頂樓。而楊千華就乜都冇講, 靜係話借運成功。照常理去分析, 做偏門行偏術好正常, 借運梗係同邪道嗰度借喇。高人係中間人, 邪道會畀番啲乜甜頭個中界人? 而問人借嘢嗰個又點還先, 訓覚時畀佢砸住, 用佢啲元氣去還? 假若係咁簡單, 當年一部戲有幾百萬收入, 人人都會做喇! 點解有啲人唔得? 解釋會係: 唔係人人得架, 只要有緣人。
上面所講可以係假可以係真。依個世界上有幾多個人可以同陰界溝通先, 重可以呼魂玩靈? 識得玩嘅, 自己日日去賭場出糧喇! 潛規容易, 做戲難, 一兩個對手容易滿足, 幾千百萬個觀眾未必人人喜歡依種騷勁, 咁就要靠爐火純青入戲法囉。而真嘅，係戲運未盡, 本俱有天: 命數合時, 地: 運數合時, 人: 有觀眾, 差就係一個“和”字: 聯結或推動力，就要揾人過路囉; 唔係謠傳嘅邪神爺娘們呢! 去賭場買大細有三個結局: 買大開大, 買大開細或圍骰; 去揾啲唔識鬼話嘅高人, 得出結局: 得, 唔得, 全部無料到。一百個人去搵高人, 有幾個成功代表咗乜嘢呢? 吹水囉！
以前有好多藝人去揾關九姑, 白龍王, 講到好靈咁, 咁又點解釋重有咁多綠葉呢? 其實靈一話唔靈, 係佢地自己一手一腳去捧紅依啲相士同高人啫; 其中一個話好準, 一傳十十傳百; 個相士死好運, 撞準第一次, 笫二次又畀佢撞啱。假若佢次次都準咁佢就唔係人, 而係仙喇, 你見到未呀? 咁世界真係有冇偏相學呢? 原來係有, 不過對一啲天時地利人和嘅條件都無嘅人嚟講, 咁就冇用喇! 幫得人行偏術嘅， 一睇就知個客得唔得喇， 駛乜再去估或者試試下呢！咁有幾多個識？要估嘅咪唔識，事後先至講咪唔識囉。行偏術都要睇人生旺盛低潮嘅定律呢。
老夫幾十年前係街上，遇過兩個最低潮嘅人：周潤發帶住頂冷帽獨行在關了門的酒店地下商埸，梁家輝在銅鑼灣走鬼。當紅炸子雞駛著一紅色車穿著紅衫嘅鈡楚虹，神采飛揚。一個大清早，係尖東遇上剛起歩嘅高高瘦瘦張賈玉穿著條貼腳牛仔褲。四個都冇同佢地打招呼，只係記住佢地當時個高低潮面相，事隔幾十年重記得。人生過程中，佢地有佢地嘅風風雨雨，我有我啲狂風暴雨；佢地嘅全紀錄在案，老夫啲小人物，只有記在自己心間。由始至終，大家階別都唔同，梗係佢地威好多喇！
所以阿豬阿狗都想做明星, 提昇生活質數, 出入名店, 食好住好, 鬼唔想咩! 行行都有表面歡樂，亦有黑幕，所以睇嘢唔好靜係看錢看，咁簡單同咁單純！依家連一啲相士都感覚揾唔夠, 要做埋演員, 兩行偏門走埋一齊得唔得架? 依啲嘢冇得呃人, 人地受你係相學演説, 唔受你啲人係你講得唔準, 演戲同相學係兩個行頭呢。幫人睇得衰旺, 但自己都唔識睇咁簡單嘅二個行業分別, 點解呢？一百個相士問佢地壽緣到幾時, 九十九個半都睇唔準。不過叫佢地睇英女皇嘅一生，一定準，唔識相學嘅都準到百份百呢！個個都依書直説左青龍右白虎, 真正係乜都未知呢!
在現實生活中, 乘风破浪背后係有浮沉，浮沉间係講銭，有錢先至有耐力去等待時機。 時機到又唔識去出位，去到高峰又唔知高處未算高，乜嘢機缘都走曬囉! 陳慧嫻就係一個好例子, 1995年一走咗獎就來了, 機缘又點可以捉番佢呢！ 借運，其實當事人係高處未算高期間，唔係乜乜高人有料到呢！ 花無百日香，邊個高人可以做到起死回生呀！冥冥中有好多嘢係註定咗, 要逆天而行, 識嘅都好辛苦, 亦未必得到呢! 所以做人腳踏實地好， 二三缐藝人，遊飚，都訓醒喇，轉做番正行唔做偏。做常人要憑住一股自信同衝勁，成敗得失，都盡了力，今生也無悔，唔好發咁多明昇夢。
未成名前部份嘅辛酸, 重有講之不盡嘅人去财空
幾千年嘅學問， 咁易得到同學到咩
沒有留言:
發佈留言