有人話愛慕：是指有一段時間的觀察，而有了種欣賞或喜歡的感覺。與其用觀察兩字，不如用留意來得貼切；觀察係用唔同角度去睇好壞，唔會産生出偏愛。嘩！依條仔好英俊，依條菜好正， 依個名人文質彬彬，三者中有冇人見過佢地啲缺點呀！人唔係神，神都出錯喇，好蓋過啲少少瑕疵不為過呀。依種解釋係無利害關係下完全可以接受。假若個名人做咗你鄰居， 養咗隻狗，日日係你屋企門口放低二三両水，你重會揾乜嘢值口去愛慕佢呢？當初嘅偶像，依家変成怒人喇，利益有衝突了。
由一少撮人嘅愛慕，演変成大羣人嘅偶像，即係有商機喇，可以係可利用之材，係咁嘅情況下商家佬不請自來。阿乜水，人一定要把握黃金機會去揾水，發揮所長同理念，你依家揾得咁雞碎，邊度夠過世呀？不如我幫你發大嚟做，乜乜團隊，一一幫你搞掂，等你紅透半天，要乜有乜呢。不過在商言商，我幫你你幫我好應份啫。點合作呀？好簡單，做個代言人，一字不漏讀我份稿我話好你就話好，我話衰你就話衰。有人再揾我又點做？叫佢地揾我，等我同佢地傾。偶像做咗依個嗰個代言人，即係背後有好多老細，換言之佢変咗個利欲熏心傀儡。
成功嘅經理人，手下又有一班班馬仔：策劃，宣傳，不同年紀職業嘅媒，咁有專業化，成功嘅機會大曬呢。 好多愛慕者追求仰慕係個偶像外形同吐冇利害衝突。偶像時不時講啲內心想被蒙騙或妒忌人嘅話，有時有啲微不足道禮物仔送，點會唔鈡意佢呀！異性相吸，係物理現象， 同性亦相吸係個反物理現象，都成立； 靚仔睇靚仔都有喇，所以唔好一本通書睇到老。依家愛慕者們快鏡片越整理越矇，眼耳口鼻精神都聚焦係偶像身上，外人講一聲佢個偶像不対，即刻反曬面，因為佢再睇唔到真實嘅一面。
另一個老細同手下講，睇下你地幾無用呀，人地捧個偶像咁成功，豬籠入水。請你班友番嚟食塞米，同我打冧佢，如果唔係大家無得撈，就要去量地喇！一個對立嘅形勢出現咗，班團隊分頭行事，一啲鑽窿鑽罅起對手底，一於整衰佢個形象，一啲用手段同對手唱反調，你話好我話衰。雙方愛慕者對駡，網上大做文章，各執己好。其實無論點様形式，兩者都係輸家， 贏家只有班老細們。因為佢地不知不覚地花咗好多時間去幫偶像同背後班老細們揾水。人地身光頸靚，食好住好，幾年間揾夠一世之用，而自己又冇得到實質嘅報酬，銀紙。對駡中火起滾嚟，大打出手，食自己囉，因為你唔係受薪呢！當局者迷之過。
兩組人時不時出現在同一地點，雙方言詞尖銳。睇清楚，雙方有啲人著住一式一様服飾，帶上標致。咁有組織性，唔駛問亞貴，依班係有糧出嘅專業人仕。有時依啲專材好似跑腿，同一時間幫幾個老細打工。依度收工，換上便服又去笫二度返工，或者係另一個唔同性質活躍，所以好多熟口又熟面。走嚟崇拜偶像嗰啲又點會睇得咁清楚呀！問班愛慕者：花咁多寶貴時間去陪人返工。值唔值？有人話值， 百無聊賴囉！咁你話服唔服依啲策劃團隊呀？用四両嘅錢可以撥到千斤力；四両者言語，千斤精力也， 精力係指腎水足嘅人， 重要係免費勞工。
偶像講乜都得，要落實去做就要睇背後老細長遠利益囉！承諾係左一轉，有改變到呀，跟住右一轉返回原地，即係無改変過，依啲咁嘅遊戲常發生喇，只不過好多人睇唔到啫。追偶像？你畀番幾多我先？又唔見佢地請我地去食菲力牛排加魚子醬，靜係係電視見到佢地自己食咁自私。阿乜水話，天邊一角人人可得到平等，點解阿乜水重係度呢？佢唔係依家應該係嗰角嗎？返嚟打工？説話點可信呢！
多年前人人講環保，依家知道原來係賣垃圾畀人。咁簡單嘅嘢，駛乜讀幾年呀？咪叫你去學做勞工, 佢地咪坐係度笑, 享受清新空氣囉。 致于頂尖學府, 本地人咁天材横溢, 點會有咁多空位留番畀你地啲九流貨色呀? 睇淸楚啲人個姓氏, 原來你地霸咗人地啲學位, 唔怪得人地唔 "likey" 你地喇! 咁你話你係一流定九流呀! 但係嗰啲賣得身畀人, 睇古代戲都知係點, 唔好要求咁高喇! 所以一個人唔識去分析，跟大隊，一生也玩完。
做人要認識順應環境，大錯時人人出一次起两次止聲已足夠，不可太激烈，幫人謀幸福不如幫自己好。唔愁兩餐嘅人乜都得，一家大細衣食不足，還是向錢看好啲，搞乜鬼傀儡夢。 自力而為尋找一個目標，唔係隨波逐流。
富人富, 窮人就悲，窮人富, 富人更富, 咪一様悲
適應環境去生存，唔駛叫破喉嚨, 日日淚洗面
沒有留言:
發佈留言