誤解鹹濕俚語

點解咁多粵詞名詞同俚語都畀人誤解， 係咪因為南方係蠻夷之地，所以啲人就話粵語好粗口，無文化， 無人再去理佢？講粵語嘅所謂有文化人仕又踩自己粵語，依樣唔畀講，嗰様又話要公堂対數簿。世界太平得滯，一潭死水，唔好玩嘅，要有波浪起伏， 咁先至點顯得自己高人一等， 人地就唔敢踩， 梗係踩自己人囉！好心依啲人，讀下書喇，"高" 嘅同音係個 "糕" 字，好容易畀人揾咗笨, 畀人食咗都唔知呢！

乜水，係咪好對應曰前講啲嘢呢

要知南方係咪蠻夷之地，簡單不過，睇睇兩篇文章就夠曬： 宋朝經濟重心南移的原因， 同安史之亂

宋朝經濟重心南移的原因

https://zhidao.baidu.com/question/27303127.html

安史之亂

https://baike.baidu.com/item/%E5%AE%89%E5%8F%B2%E4%B9%8B%E4%B9%B1/131840?fr=aladdin

南方其實齊集咗好多文人雅士同其它學問。學問多多，等於一個大型圖書館，有乜用呀，梗係要歸纳，分析提取其精要。因而産生咗口語化，一針見血嘅粵語俚語。唔係講粵語嘅人聽到俚語就一頭霚水，識粵語嘅人又未必知頭知尾。有啲人唔識，咪係安啲嘢去講到似是如真啲故仔去愚眾人，一代轉一代，冇人再去考據，大家都信以為係真。就好似 "鹹濕" 依兩個字一様。

先嚟睇睇啲人點去強姦咗鹹濕依兩個字

1）廣東英語， 來自英文字 ham shop, 火腿店/鹹肉莊

2) 鹹水妹 = 疍家女, 集中地在海邊。因為海水又鹹又濕，所以嫖客畀人叫做鹹濕佬

3) 一九零幾年代初, 香港妓院有分上中下三級。石糖咀靠近碼頭, 苦力多, 妓院屬下級, 所以依班客人畀人叫做鹹濕佬或賤佬。

嘩!  講到似層層, 係冇冷氣, 天氣潮潮濕濕下歩行, 流出嚟啲汗都係咸架啦, 除非你有病。咁世界各地曰曰都有好多鹹濕: 嬰兒, 仔, 女, 男女中坑, 亞婆亞嬸亞伯, 通街走;  咁咪鹹濕滿天下， 唔咸有幾人？駡人下流賤格係指鹹濕佬?  咁又解唔通嚄!  文人巧妙地用字, 低級: 叫做下品, 亦可叫做下流, 依家叫低擋。跟據笫三嘅解釋， 下流係指地點, 賤係指銀碼低, 格, 唔係指人格呢? 粵語有另一個俚語叫落格, 解作落袋。係依度喻作銀紙落袋。以前在錯誤解釋下，畀人駡下流賤格, 即係話你可以鹹濕佢, 但係要畀錢。依家啲人解錯曬, 有冇鹹濕人, 唔好攞疊銀紙出嚟, 都要快啲慢步走喇, 除非附近有錄像機照住你喇。

依様唔啱, 嗰様又唔啱, 邊嗰先至啱?  咁你有冇聽過鹹蟲兩字呀! 鹹濕就係由嗰度出嚟個囉。咸蟲係暗喻精液內啲精子, 精蟲好似啲科豆或蟲咁; 唔明先睇三生那篇文章。精蟲活在鹹的環境下。而咸濕是指精蟲已離體, 進入一個濕地, 這個濕地不再是鹹, 而係個鹼性地。嘩!  咁高深啲嘢, 你都作得出!  唔係老夫作架, 係古人寫咗出來好耐, 係你地睇唔到啫!

三十一卦係咸, 十八卦係蠱, 蠱唔係指蠱蟲, 係指卵子呢! 鹹濕既係條精虫入咗濕地。 鹹濕嘅解釋就係咁簡單，駛乜搬出中環，佛山，又人又鬼，高低擋呀！有啲人話係邊個高足， 花咗大半世去硏究易。易字點解都未知， 粒 “蛋”有 “條”嘅嘢係裏頭，知道咗 “勿”講出嚟囉！好多傻人畀班唔識嘢嘅西席呃咗，話可以用嚟占卜嚄。班蠢材學生又學人， 去擦老泥，換件衫，揸住碌嘢係度敖，碌嘢梗係有嘢走出嚟喇， 嗰個識嘢嘅西席笑到條褲都甩埋。班傻仔以為西席肚餓，請佢去食飯， 哈哈。

打手鎗同敖竹筒係咪好相似呢？大家都係度 rock & roll, 自愚囉。你話唔係, 你敖六個號碼畀我去買六合彩呀!  其它卦又點睇, 食自己囉。

記得唔好用依篇嘢寫中英対照畢業論文, 費事畀鬼子佬再笑到碌地。人地話之你係華人定中國人, 你地食嘢要与佢地分甘同味, 佢嘅唔代表你有得食, 是為蠢一; 搞咗咁多年, 都搞唔出嘢, 重係度搞緊佢地嘅窿同棍發見, 是為蠢二。屙督尿都要話畀人知, 你話邊個有咁蠢。你有亜Q精神, 你祖宗十八代未必有呢, 畀人駡埋十八代就唔好喇。

斯文紳士淑女們，唔好再係大庭廣眾，再做不雅行為喇！

斯文人畀古人玩完一鑊又一鑊, 鬼叫你要斯文咩!

斯嘅同音字就係撕, 咁咪変成撕文, 乜都冇囇囉!

粗雅之間有道在焉, 乜冇聽過咩!!!