老夫中西醫學都唔懂, 解釋由氣功學經驗而嚟, 唔信者或睇唔掂白話就唔好曬時間續繼看
明白原理只有幾個字: 病字由藥廠而來。健忘同癡呆唔係病, 原因係缺少運動, 得出個結局是腦部中央硬化或冬眠, 造成短期記憶不能貯存, 惡化連遠期記憶都無曬。簡單嗎?
回看舊字 Senile指 衰老, Dementia指 癡呆, 兩字連起來解係因為衰老退化變成癡呆囉, 冇話過係病。有病通常都要食藥, 唔話癡呆係病, 造咗出嚟啲藥揾鬼買咩! 天下間，好多靜係識抄襲文章啲人或係洋徑賓(中英半桶水) 咪做腦殘, 一味去抄囉, 唔係病都叫咗病呢!
要解釋正常與癡呆嘅腦, 最好不過係睇圖片, 駛咪鬼用咁多文字或雅語呀?
好多人做運動, 搖下手踢下腳轉轉下腰就叫做運動, 嗰條頸同上身脊骨又唔多做注重, 依個係局部運動, 唔係叫全身運動呢! 人接近退休年齡, 運動量少曬, 加上參加手機低頭族俱樂部, 頸骨胸骨加速退化, 形成癡呆年軽化囉。
老夫本來対丹氣功已經金盆收口, 因為佢太危險, 唔想多講, 成功億中無一人, 只有偽師話佢容易。因為依個話提, 今次破例講多少少。常人成曰講下丹, 講到膚淺到不得了。中丹上丹講嘅人少之又少, 好簡單嘅解釋: 佢地唔識囉! 上中丹區域, 由雞心開始到頭頂, 即係話頭接頸骨再接脊骨, 節節骨都要做到分離, 先致有得玩。啲人成日講泥丸在上丹，唔開三處位又點玩呀！係現實情況下，能夠做得到節節分開，相信只有玩雜技啲人, 而佢地可唔可以做到笫一二兩節頸骨都鬆開便不得言之了。
教佛啲人成日講開菩提心, 咪係得個講字, 講咗唔知幾多代都係講同一個名詞。網上有篇文章問詳情, 回答係好麻煩。等老夫話你知: 雞心唔開, 唔駛講菩提心, 菩提心係胸骨度, 又名中丹。好多玩內功啲人都過唔到雞心嗰關, 成日頂住頂住, 粵語叫做頂心頂肺, 唔知方法, 加速個腦退化, 點解?
真正玩氣丹, 其實係去強行改変自律神經。人打你一拳, 你唔會學西方經典咁講：畀埋隔離嗰面人地打架! 人地講同做係兩回事, 你又信到十足, 太可愛極了, 教你嗰個都唔會咁做喇，佢地有冇畀聽眾啪啪響打過呀？人體唔聽假話, 實實在在去做自己本份, 自律神經一感覺不正常, 立刻收縮, 在收縮情況下, 你咪感覺頂住囉。好多人唔知頭唔知路, 重搏哂老命去練, 唔衰攞嚟衰。自律神經反擊戰由雞心上到頭頂, 上身肌肉由內乸（拿）到外, 你要松嗎, 佢係唔松畀你睇。週而復始, 乜乜廢物, 日日係咁壓縮, 咪変成鈣化物, 啲人又畀個美雅名詞叫舍利子。血液唔流通, 日日有內壓, 頭腦點會靈活呀! 十年八載後你個腦因為缺營養, 本來有個位畀啲記憶貯藏, 依家冇曬空位或條路塞咗, 點會唔健忘, 到到再嚴重, 咁咪變成未老先癡呆囉。
古籍書都有講玩刀槍死在刀槍下，玩氣丹又咪係一様，玩自然即係冇運動又一様死。咁様咪啲古人呃我地？唔係呀，係啲懂少少啲僞師呃我地， 古人講咗三件頭，“精氣神”，跟住重有兩件頭，加埋共五件，依家啲人大多數得番一件，畀到盡得二件； 五行少緊樣，都唔得喇，何況少咗三四様嘢。所以唔識玩，就唔好玩喇， 好過玩到面黑口黑或臉如焦土！還是做適量運動， 總好過玩依點五缺三四點嘢。
啲人話, "老人癡呆病" 成因有幾十種, 老夫話"老人癡呆", 冇咗個 "病" 字只有一種, 缺少頸胸骨運動, 導致退化。點去做, 點去解救, 咁高深啲嘢梗係去揾專業喇。老夫依啲二打六, 點識教人呢! 其實頸胸運動已講咗， 睇睇五月份講過乜。
假若看完上述重問食藥會醫好或減緩癡呆依個問題，即是閣下唔明幅圖同上面所講啲嘢。
送君三個字：做運動
沒有留言:
發佈留言