以前寫咗四百多篇啲蒙垃圾，一個按刪除鍵便一掃光了，冇乜嘢話可惜定唔可惜。要進入一個反璞歸真境界，常人話：回復原來的自然狀態， 其實係一掃光再重新組合呢；好多人識講唔識做。講咗咁大堆嘢，個話题係萬人迷嘅太極無極呢！
太極好多人都話識，由動作演変出嚟嘅拳叫太極拳，佢係邊度走出嚟， 個個係度蒙下蒙下。有人話拳經嚟自舞陽鹽店，又有人係北平廠肆（北京古董鋪）買到。揾到本書，話佢內容精湛，數不勝數啲人係依篇拳論個註解，寫論文。睇到老夫眼花繚亂，都唔知佢地諗乜, 話佢地喏又唔係， 話佢地錯又唔係， 點解？
拳論第一句：太極者，無極而生，陰陽之母也。咁重要嘅一句已經畀人忽視咗， 作者想講嘅係： 無極 《--- 太極 -->太極 ->陰陽 ->力學，上嘅學理。啲人話太極係內家拳，既係話由太極返番轉頭； 無極 《- 太極 ； 係個無極內玩嘢囉；個勁先致走出嚟！向右走, 勁都會出嚟, 不過係力學嘅勁。
作者笫一句怕人唔明，再次重覆講多一次：太極拳一名「長拳」，一名「十三勢」，長拳者，如長江大海，滔滔不絕也。十三勢者掤、捋、擠、按、採、捩、肘、靠。進、退、顧、盼、定也。
太極 ->陰陽 -> 長拳咪即是力學，而十三勢咪係 無極 <-太極 , 係無極裡頭想玩啲嘢：五行，八卦; 咪即係用意不用力囉。 冇咗依啲元素，玩乜嘢勁？, 要撑直隻腳, 要轉腰, 要用力推,就係力學勁, 唔係無極勁囉! 人地都用白話講到明， 重估咪鬼，重翻譯咪鬼成白話呢！
另一句：勢勢存心揆用意， 依句又係冇人識解！勢勢者每一個式子，存心者刻意也，揆者量度也，依家變成太極尺，你估做裁缝佬呀！ 咁高深嘅嘢唔講喇。
想當年有人問老夫有冇視频, 到現在都冇, 玩無極點會有嘢睇架, 你估係醫院裹頭咩, 玩太極就唔同喇, 多姿多彩，哈哈。我講啲嘢，係咪你未聴過呢，咁你話太極依門學問係咪人人重係度猜測。想要學氣丹，揆，太極球唔係人人識教，咁你話矜唔矜貴呀!
好多人知都唔敢講出嚟, 點解? 人地叫佢教或者示範, 做唔到出嚟呢! 依個無極太極論唔係靠 "蒙", 唔係靠玩代入名詞。 整套理論藏係道家經書裡頭, 同埋係粤語嘅俚語內; 大部份道文章來自南方定北方, 唔識南方話, 都幾難明。 唔好見人地有近似句子就話嚟自人地先得架, 自家啲精句都睇唔明, 人地嗰啲雖然係互通, 又點會明呢! 咁仰慕人地文化就應該全身抛入喇, 得益更好，好過做竹升, 两邊都唔通。
一掃光出無極
一子錯滿盤皆落索
沒有留言:
發佈留言