個解釋漏咗個 “策”字。老夫細個時，老師教策馬加鞭， 現在啲後生就用策馬揚鞭。兩個詞語都有個策字，策字解釋一様，但打同揚就解法唔同咗。策者尖物，安放在鞭嘅頭部，用來篤痛隻馬。打者，唔駛講梗係打落去喇。揚者，只是舉起揮舞。策馬加鞭， 即是話篤痛隻馬都唔止，重加上鞭打。咁様係咪啲文人偷食咗個 “策”字呢！唔知個策字好唔好食呢？
好多時啲父母同仔女出街，佢地係大庭廣眾，一聲唔出，用一揚指，篤篤仔女個身，啲仔女即刻乘哂， 依個咪係個揚策囉。再唔聽話，返到屋企咪請佢地食籘鱔炆豬肉, 和味囉: 有聲加有色。以前啲父母鼓勵老師幫佢地扬策鞭顯父母，依家老師碰碰佢地啲金波蘿，佢地就大鑊喇。時代唔同，小心有關當局，拉你入册，請你食全包宴呢。
而策馬揚鞭，只係篤痛隻馬，用條鞭打在空中知會隻馬好跑快啲，如果唔係就鞭鞭到肉。聽落去好人道，隻馬一听鞭声就咁醒目，即係話隻馬有畀人重打過嘅經驗，只不過你睇唔到啫！打同揚， 兩者係咪唔同呢；一個顯現，一個深藏。 現代騎師用的是一條棍加一片皮，不能稱得上馬鞭，正是如假包換的馬屁拍。
由拍馬屁又走出羣策羣雄依個詞語出嚟, 一個人要做亜頭, 静靠實力點得架！ 梗係要擦老細鞋喇, 靜擦都無用架, 梗係要篤人背脊, 打敗対手, 三角力學嗎! 做咗英雄好似好威水, 背後又咪係畀個/班老細手指指佢去做嘢; 有名無利；英雄得個名, 老細先至係受益人呢。 新職上任，有策旗在手，點會唔雞飛狗走：策策复策策，新紮当面斥，不闻擦鞋聲，唯闻汝嘆息。問汝何所思？问汝何所悲？吾亦冇得紮，吾亦唔識擦，昨夜见辭退，卷卷有吾名。策字係個唔簡單嘅字，唔識都耍知點解呢！返工密密手, 將勤補擦, 唔好有一聲怨言!
策字嘅組合重犀利，如策籌， 係指古代計算工具，形如筮（竹或朩造），長度要一致。古時只有讀過書啲人先識用，佢地將啲策籌用個袋裝好，放在腰間，依個腰袋係身份嘅象徴。係七八十年代，好多人將一排筆插係口袋，亦都係身份復古象徴。而香港啲人就窮喇，靜係插支Dupoint 筆, 個袋重袋住個 "叮" 一聲個同牌子嘅火機, 怕人睇唔到佢身份。
策籌嘅前身咪係策數囉。古今好多人鍾意玩文字唔鍾意玩數字, 鈡意歷史又唔知祖宗以前衰係邊, 好似老夫咁: 得把口。用現今述語講策數, 即係人工智能個模樣或腦神經囉；思考有前有后有左有右有上又有下，成個十维。咁深奧嘅嘢, 冇真正理解就冇程式, 又點可以計到年月曰時分秒呢? 哪吒竹筮係手, 一分二, 二分四去揰手神又點會准呀。依種情況下叫做偷食加埋食古不化。易系講三角同圓，點様去生仔同変化, 連依個基本都唔識, 静係睇表面，點様玩弄文字都無用呢！
有啲文人玩易学，將缩成四句天地定位當寶貝：山泽通气，雷风相薄，水火不相射，八卦相错。濃缩本來係精华，偷食咗好多內容，邵雍用咗廿五節去詳解依四句，好多人都唔明。 咁様濃詳有乜用呀？ 濃詳同音字農埸，古人講天生我材必有用，雞鴨鹅係個農場內咪係畀人食囉。
又有玩圖者, 咪又係度偷食, 比対右圖, 一個少咗個無極呢!
而左圖又偷食咗一點, 個個係度抽水, 哈哈
凡事都有因由, 然后産生个現况, 睇嘢唔識返轉頭, 又再睇前两三歩, 思维上偷咗好多食呢! 依啲係文字嘅錯？ 罪在係玩文字啲人，投你所好，牽住你个荷包同未來走。 乜嘢叫真理，一對波囉。 唔好惗歪咗，係乾同坤: 一陰一陽; 一正一邪; 一强一弱呀。唔識得玩嘢就叫弱肉強食為真理, 識得玩嘢就一弱已完成咗攻撃喇, 哈哈。
運行才是主體，文字係註解屬賓位；不述實就運行唔到
偷食文字等于水加入汽油，部車戳下戳下咁行
沒有留言:
發佈留言