介紹幾個改相片軟件

亞爺亞爸年代， 影相係屬於敗家, 點解？要買機相，測光錶，濾鏡片，閃光燈，膠片，冲曬費，或顯定影水，放大機等，加起嚟一大筆。時代改變，連個細佬都有個智能手機內藏相機功能，一按制即刻有嘢睇，一分錢也不用再花， 又洗乜學以前咁搞咁多嘢。影得好唔好，就另外一回事。機貴影相靚唔係一個定律，平平嘅機都可影出沙龍作品，就係睇後期處理方法。

市面上有單鏡反光機，獨立傻瓜機，同埋智能手機。係普通人而言，一個影倒嘢的手機就得啦，洗乜要相機，因為你我唔係專業，所以要求唔高。作為一個半專業愛好者，有時要要影一啲遠或近距離嘅相，就要出動長短炮。咁様佢地花咗咁多錢，影出嚟一定好靚，咁就兩睇啦。有啲係扮假狗，攞支過萬元奶白色嘅鏡通街走, 只係 show show 身家。影相要天時地利人和, 要影日出, 個太陽係啲霧後面, 幾貴嘅機都死曬火啦。影背光相, 左較右較, 人地揸部手機, 手指一篤快面就無咗黑面神。手機影夜境, 紅就係紅, 點含変咗紫紅, 半專業機又要較一輪, 又要返屋企改相，所以話平嘢唔一定唔好。

回到正題, 手機影唔倒嘅相, 太遠了。單鏡反光機也因局限又睇唔清影倒乜。所以要藉助放大相片軟件去睇淸楚，PhotoZoom。

嗰啲大人物話無天外來客的, 原來係度講大話, 衞星又點會係水平面上飛呢!
放大，再放大

比個老闆娘捉咗你去幫她影美豔照， 你估你揸部好銳利鏡頭去好著數，一上載原裝照片比佢，小心比人告床頭狀，連份工都冇埋。有未來親戚關係的外母，也要份外留神同佢影。攞個快靚正軟件， Exposure X3, 改改再寄出。來一招醉眼看世界, 半分鐘唔洗已錯好, 係咪唔同曬呢。

 磨肚皮

 柔光

 收腰

老外最愛古桐色啲女, 中國人話一白遮幾醜，種族不同各有喜好。以下的相，其實偏了黃, 用囯産軟件,nEOiMAGING4 又名NeoImaging 又名光影魔術手, 按嚴重白手衡加自動美化,兩個制就搞掂, 快呢。

 去偏黄

要古桐色, 洗乜鬼去哂呀, 白動白平衡加一鍵減光再加自動美化。
（另一個國産叫美圖秀秀(唔好下載依个:美图秀秀V5.1.0.2去广告精简版，好多廣告), 又係好嘢嚟架）

 古桐色

旅行完回來, 起碼有幾百幅相, 好多光凙唔靚, 續幅改改到天光啦, 用Photolemur分兩三次自動調色, 就得啦。點解要分兩三次, 因軟件局限。一經輸入過百幅照片, 去完飲茶回來, 改好了。

 光凙

專業人仕用專業Photoshop, 大家要求唔同，我地依啲要快靚正 。上邊啲軟件貴唔貴, 見人見智啦, 有能力就買，無錢嘅, 找找綠色版(要小心下載地点) 。

平靚正嘅嘢通街都係， 洗乜去賣五臟六腑， 追求乜乜名牌貨呀！
（冇收人廣告费，見好就介绍）