好影片介绍

能善辯者説大腹能容天下難容之事，當真？ 個肚皮有幾大呢？ 唔會谷爆乎？ 話知書識禮的又講退一歩海闊天空。老祖宗教人不傷害別人的心理出火法，可惜另一羣善教者又話係迷信，叫人唔好信。 個個都話自己套嘢得, 教咗咁耐全世界都係咁亂, 即係冇料到, 行唔通啦, 點吹都係無用, 再教落去都係咁。 天下紛亂，除咗財就係火，唔通監獄先至係去火中心？ 今回都係介紹番有咗好耐嘅老祖宗去怨法， 好用就收下。

香港一度地方叫鵝頸橋，日日有十來個亞婆幚人打小人，工具係隻鞋，幾張紙，同一把嘴。 以前只有摩登人仕同大媽去幚襯，而家連老外都去。 你係人就用中文咒死個衰人，你係鬼就用鬼話，相信價錢係幾十蚊港紙。 佢地咁好生意，即係話好多人有怨氣冇路放，花嗰幾十蚊去去內心怨火，好過將來用柚葉去洗個八月十五呀。

https://www.youtube.com/watch?v=XenOgvkmzl4

打小人係正邪兩面睇，打咗唔話比人知咪係正，話比人知人地做擴音筒，你咪係邪囉；正如人駡你，你唔出聲只在心中嘴咒人，而你面帶笑貌，人地話你係好好先生有涵養, 咁樣你係正或邪 ?

打人小人，唔話比人知，但怕比人睇到，咁咪自己做囉。  最簡單方法將個対象唧名寫在鞋底，一路行一路內心咒。 咁様有冇用架？ 打小人其實係老祖宗的形聚法， 塑造形聚対象在外不是在內，所以怨氣跑到外邊，再將怒火發洩到體外虛的対象， 所以打完或踩完之後心情変得開朗。 實效有冇？ 人地梗係唔會斷手斷腳，咁你開朗咗未？未呀， 笫日再打或再踩，臨尾加多一大腳去踩個対象。

文人雅仕因面子原因, 點會教依啲有效方去怨氣法呀！ 老祖宗有好多精品，只不過好多人唔信，信嘅又信嗰啲加鹽加醋畫蛇添足嘢：取人毛髮等。

如要批評此法，唔好當自己係個正人君子先得架
唔信邪, 聽日比人屈時, 再返轉頭學嘢啦!!!