在華人社羣中通街通巷啲人成日講三世，講到咁鬼遠，三世係乜都唔知，前世今世同後世？睇相佬話見到你前世做過乜。你前世個様同依家都唔同様喇，上世老豆老母係邊個你都唔知，睇相佬又點會知呢，點你咩！今生嘅苦係前生欠人地，係唔係呀？咁人人有苦難都係畀人追債，咁依個地球咪係債仔著草地方？唔怪得有啲人話：我等是罪人囉！點解啲人死前唔識去申請破産同離婚呢？個個債仔都走曬嚟依度，啲債主因為你欠債，佢又冇能力還債畀人，又走埋嚟依度，又係畀人追債。個個走埋一堆做乜， 佢地無聽過各散東西咩？三世依啲嘢, 邊度信得過呀，不如講近啲，三生好過。
正常男性在一次射精，大約有一億到三億隻精蟲。在精億求卵下，只有一粒精蟲進入卵子（雙胞另計）。點解會係咁？點解唔先問點解要咁多精子？新舊影片廣告成日都喧染，一個雷電交加晚上，一対加乾柴烈火嘅親熱，便身懷六甲了；最好嘅預防就係帶雨具，以防萬一。唔係咁嚇你，你老豆老母生由二変三，第三嗰個生萬人囉； 唔係咁賣廣告揾鬼買雨具咩，七十二行又少咗一個行業囉。
受孕係咪咁容易呀？先睇睇山洪爆發後發生乜事，要過五關斬六將。女性陰部內含酸性物質，一至三億嘅精蟲畀依啲物質殺餘得百份之一，得番一二百萬，所謂精蟲未見子宮頸身先死。而有好多在前進襟兄弟被困子宮頸附近嘅黏液中，能夠通過嘅，只有幾萬呢！子宮壁內好似迷宮咁，好多瞎蟲走錯咗去咗掘頭巷，出唔返嚟，只有二三千通過。異物入體，身體有個自然反應，畀白血球圍攻， 千萬個白血球大軍出嚟迎戰，打殘啲精子， 只有廖廖可數嘅精蟲可以親親卵子快面。一張玲瓏浮凸面，幾百精蟲係咁嘴，口吐白沬來定情， 卵子玉門為精開，終於結束了上幕戲。跟住落嚟就係雙體卿卿我我，変演成一嬰兒是為一生，第一階段。唔知老夫噏乜呢， 睇睇片就知喇。
受精
https://www.youtube.com/watch?v=ahlulYiwCDk
補充：六甲涵義？甲寅－木神，肝，為骨；甲申－金神，肺，為齒爪；甲戌－土神，脾，為肌肉；甲辰－風神，膽，為氣息；甲午－火神，心，為溫暖；甲子－水神，腎， 為淵澤。 （引自於馬炳文所著之《太上老子傳》）。
第一階段嘅一生發展過程，連專家都未識曬。由超音波睇到嬰兒出咗問題，都唔能夠紏正。好多人話學人反撲歸真，逆轉到嬰兒狀態，只不過係一個中途階段而矣，真正係回到精卵結合嘅階段才対呢！由人到婴兒過程中, 解體中脉结之樂趣 - 由苦到樂, 都無人能説得出。 即係話連反撲歸根嘅高度都冇， 就話我嚟啦，嚟啦；英文叫 I am coming!
婴兒未出生前基因演変出差不多千億的神經細胞, 層層疊疊神經元自我傳遞訉息, 點解會係咁, 我們一無所知! 神不是傭人, 造人不會只是玩玩下? 目的為何? 老细就係老细, 你估佢係我地做打雜, 乜都做咩。 所以神背后精密的設計團隊為佢代勞, 點解班友只開放十份一畀我地用, 佢地叫我地自己去問佢老细, 怕炒鱿。無人識同佢老细溝通, 擦鞋啲靓仔靚女都唔得, 又點可將腦筋宏展到百份百呢!?
要超越, 就要破局, 演变出自我系统, 邊個可做到依個階段呢! 所以話啫，大家都唔識，個個都係係度老點, 得個不完整表面化 "講" 字。 唔好静係用一个字話佢萬能, 就停留在那階段先至得架。 精虫走慢啲都畀白血球打殘, 人咪係一様; 不進则畀人打, 是一定律, 呆係度做乜!
第二生又如何？其實都唔駛講得咁多，因為你我係度體驗緊。出生後就無咗自主杈，要學規舉：家，學挍，公司，老婆，社會，唔守規舉你就知味道。兄弟姐妺鬥爭，同學爭高分數，比身家，學校模式如同金字塔，公司表現淘汰制等。為求生存，點可以唔用啲手段，形成咗一個亂字，互不信任，所以古人話：憑人只説三分話。
人就係咁努力地打打殺殺到白頭。比対有啲人用生老病死去形容人生，講得咁容易咩。假若你我老豆有一億留畀我地，咁就可以講得咁軽鬆口響。食自己的我們，未到死還在憂呢！食自己同食人地係两個唔同嘅世界呢。 大家都係背名詞, 不如調轉身份呀, 睇你到時點講。
在絕大數人嚟講二生係個冇自由，憂柴米嘅地方，同一生表面上是相対的。有啲傻人話，睇下第二啲地方，人地乜都有自由，乜都平。係唔係呀，說話可以係屋企講，不過唔好咁大聲畀人聽到； 畀你食住平，醫藥保險攞你命呢，所以做人唔好睇頭唔睇尾，睇上唔睇下，到洞房時你就知造人難。
無論你富或貧，多數人由二腳變三腳，由直到曲，真係番返轉頭, 好似個出生嬰孩一様。到到盡頭，兩腳一伸，呼吸最後一啖奴隸氣，咁就完結咗二生了。
三生係乜？邊個可以解答？連科學家都係度估估下。人死咗個身會軽咗啲，嗰個靈魂走咗出嚟？咁個靈魂去咗邉？個靈魂係點嘅様, 似人形? 啞曬口。問啲宗教人仕，哦，好人上咗上邊，唔好嘅先到下面報到。咁様講大話，扮過一哥，篤人背脊算唔算係壞事呢？依啲嘢人人都做過喇， 咁咪係人人都要先去下低報到囉， 一字咁淺。有上就有落，有來就有回，天然嘅定律，咁嘅三生，咪叫輪迴囉。
係三生又要唔要讀書，又有冇打打殺殺，成群結黨，我都唔知， 依啲咁嘅問題要揾啲 “專業” 人仕答你囉。佢地日日係度硏究，又係全職， 如果佢地都唔知，佢地重可稱為海绵磚業呢， 字唔同但發音一様。
一生要十個月，二生有七八十歲， 三生有幾多歲月呢？
沒有留言:
發佈留言